Toyota автокөліктеріне кепілдік

 
Кепілдік мерзімі

Ресми дилерден сатып алынған жаңа Toyota автокөлігінің кепілдік мерзімі — 3 жыл (36 ай) немесе 100 000 шақырым жүріс — қайсы бұрын өтетініне байланысты. Көлік иесі Toyota автокөлігіндегі сатушы (өндіруші) жауапты кемшіліктерге байланысты талап етуге құқылы, бірақ талап кепілдік берілген мерзімде ғана болуы керек.

Кепілдік мерзімі Toyota автокөлігінде анықталған кемшіліктерді жоюға қажет мерзімге қарамастан ол қолданылмаған мерзім бойында өзгеріссіз қалады.

Кепілдік беру шарттары

Өндірушінің кепілдікте қарастырылған кепілдік міндеттемелері Toyota автокөлігін Toyota ресми дилерінен сатып алған жағдайда ғана орындалады.

Кепілдікті пайдалану шарттары

Кепілдік мерзімінде техникалық қызмет көрсету мен жөндеу жұмыстарын тек Toyota ресми дилер / сервис орталықтарында орындауға кеңес беріледі. Жоспарлы техникалық қызметті, қосымша техникалық қызметті және жөндеу жұмыстарын Toyota өкілдігінен өзге сервисте алу кепілдік талаптарын орындау мүмкіндігінен айыруы мүмкін.

Көлік иесінің міндеттері

• Toyota ресми дилеріне барғанда кепілдікпен жөндеу жүргізу қажет болған барлық жағдайда кепілдікпен қызмет көрсету жөніндегі нұсқаулықты көрсету.
• Toyota автокөлігін кепілдікпен қызмет көрсету жөніндегі нұсқаулыққа және иесіне арналған нұсқаулыққа сәйкес пайдалану, қызмет көрсету, сақтау, тасымалдау және күту.
• Чектерді, шоттарды, орындалған жұмыс актілерін, тапсырыс-нарядтарды, аксессуарларды орнату жазбаларын және Toyota автокөлігін сатып алу және қызмет көрсету тарихына қатысты басқа да қажетті құжаттарды сақтау.
• Әр жолы сапар алдында автокөлікті кепілдікпен қызмет көрсету жөніндегі нұсқаулықтың «Өз бетінше техникалық қызмет көрсету» бөліміндегі нұсқаулыққа сәйкес қарап шығу.
• Жоспарлы техникалық қызмет көрсетуді жүргізу үшін Toyota автокөлігі ресми дилерге одометр көрсеткіші иесінің нұсқаулығында ұсынылғандардан жоғары қарай 250 шақырымнан аспауы тиіс.

Елден шығарылған немесе қайта сатылған автомобиль кепілдігі

Иесі Toyota автокөлігін Қазақстан Республикасы мен Қырғыз Республикасы аумағынан шығарса және сол елдерде сатса немесе қайта сатса кез келген кепілдік күшін жойған болып саналады.

Кепілдік неге беріледі?

Автокөлікке кепілдік

Кепілдік ресми дилерден сатып алынған Toyota автокөлігіне беріледі. Иесі Toyota автокөлігінің кемшіліктеріне байланысты кепілдік талаптарын тек кепілдік мерзімі ішінде (36 ай немесе 100 000 шақырым жүріс) ұсынуға құқылы.

Шанақ пен лак-бояу жабындысына кепілдік

Өндіруші кепілдік мерзімі ішінде Toyota автокөлігі шанағының лак-бояу жабынының өтпелі коррозиясы мен өндірістік кемшіліктерінің болмауына, оның иесі иесіне арналған нұсқаулықта көрсетілген шанақты және лак-бояу жабынын күту жөніндегі ережелер мен талаптарды сақтаған жағдайда кепілдік береді. Иесі осы кемшіліктерге байланысты кепілдік талаптарын кепілдік мерзімі ішінде ғана білдіруге құқылы.

Toyota түпнұсқа бөлшектеріне кепілдік

Кепілдік ресми дилерден сатып алынған Toyota-ның түпнұсқа қосалқы бөлшектеріне беріледі. Ол оларды сатып алған сәттен бастап 12 ай өткенге дейін — көліктің жүруіне қарамастан жұмыс істейді. Кепілдік Toyota-ның түпнұсқа емес қосалқы бөлшектеріне, сондай-ақ оларды пайдаланудың салдарынан болған кемшіліктерге қолданылмайды. Иесі түпнұсқа қосалқы бөлшектердің кемшіліктеріне байланысты кепілдік талаптарын тек Toyota-ның түпнұсқа қосалқы бөлшектеріне кепілдік мерзімі ішінде білдіруге құқылы.

Toyota түпнұсқа аксессуарларына кепілдік

Ресми дилерден сатып алынған кез келген Toyota аксессуарының кепілдік мерзімі — 1 жыл (12 ай). Кепілдік аксессуарды сатып алған сәттен бастап 12 ай өткенге дейін жарамды немесе Toyota автокөлігінің қалған кепілдік мерзіміне қолданылады, егер түпнұсқа аксессуар автокөлік сатып алғаннан кейін орнатылса — қайсы ұзаққа созылатынына байланысты. Иесі Toyota түпнұсқа аксессуарларының кемшіліктеріне байланысты кепілдік талаптарын көрсетілген кепілдік мерзімі ішінде ғана білдіруге құқылы.

Жөндеуге жеткізіп беру

Егер ақау өндірушінің кепілдік міндеттемелерінде қамтылса және ол көліктің өздігінен жүруіне мүмкіндік бермесе, кепілдік Toyota-ның ақау шыққан көлігін ең жақын ресми дилерге жеткізу шығындарын өтейді.

Кепілдік қандай жағдайларда берілмейді?

Жалпы ережелер:

Өндіруші Toyota автомокөліктерінің, шанағының, лак-бояу жабынының, Toyota түпнұсқа қосалқы бөлшектерінің немесе аксессуарларының кемшіліктері, егер олар иеленушінің автокөлікті пайдалану (қолдану), сақтау немесе тасымалдау ережелерін бұзуынан, үшінші тұлғалардың әрекеттерінен немесе еңсерілмейтін күш (форс-мажор) мән-жайларынан туындаған жағдайда жауап бермейді.

Өндіруші Toyota автомкөліктерінің, шанағының, лак-бояу жабынының, Toyota-ның түпнұсқа қосалқы бөлшектерінің немесе аксессуарларының туындаған кемшіліктері үшін (соның ішінде) мына жағдайларда жауап бермейді:

• дистрибьютор, көлік иесі немесе Toyota автокөлігін пайдаланушы тұлға тарапынан уәкілдік берілмеген жөндеу жұмыстарын жүргізетін ұйымның көлік иесіне арналған нұсқаулық талаптарын бұзуы:
• Toyota-ның түпнұсқа емес қосалқы бөлшектері мен аксессуарларын пайдалану;
• Дистрибьютор тарапынан уәкілдік берілмеген жөндеу жұмыстарын жүргізетін ұйымдардың тиісті біліктілігі болмауынан, ұқыпсыздығы мен зейінсіздігінің салдары;
• Toyota автокөлігін қолдануға қатысты көлік иесіне арналған нұсқаулық талаптарының сақталмауы
• Toyota автокөлігіне артық жүк тиеу немесе спорттық мақсатта, жарыстарға қатысу;
• Toyota автокөлігіне көлік иесі не үшінші тұлға қасақана немесе абайсыз жасаған әрекеттерінің (мысалы, электр жалғауларына және т.б. зиян келтіру) салдары;
• Су өткелдері мен басқа да су кедергісінен өтуде Toyota автокөлігінің тораптар мен агрегаттарының ішіне су кіріп кетуі;
• Toyota автокөлігінің модификациясын немесе оның конструкциясын өзгерту (бағдарламалық қамтуды, зауыт баптауын, электрон блоктары параметрлерін заңсыз өзгерту, қуатын өзгерту, көлік құралының конструкциясын және / немесе көлік құралы түрін өзгерту;
• Климаттық және физикалық жағдайлар нәтижесінде жарықтандыру құрылғыларының іші булануы;
• Автомобиль дистрибьютор уәкілеттік бермеген ұйымда қызмет көрсетілген жағдайдағы жөндеу немесе реттеу процесінде Toyota стандартталған рәсімдерін бұзу;
• Көлік иесіне арналған нұсқаулықта көрсетілген өндіруші белгілеген техникалық қызмет көрсету мерзімін бұзу.

Кепілдік мыналарға қатысты емес:

• Тек иесінің қалауы бойынша шығарылған және Toyota автокөлігінің, шанағының, лак-бояу жабындысының, Toyota түпнұсқа қосалқы бөлшектерінің немесе аксессуарларының кемшіліктерімен байланысты емес, Toyota түпнұсқа қосалқы бөлшектерін немесе аксессуарларын ауыстыру;
• Жарықша мен сызаттарды, тұз бен сұйықтықтардың әсерін, табиғи апаттарды қоса алғанда, сыртқы орта факторларының әсерінен туындаған шанақтың зақымдалуын немесе коррозиясын жою;
• Жол-көлік оқиғаларының немесе кедергілерге соқтығысудың нәтижесінде туындаған зақымдануларды, жол төсемінің ақауларынан туындаған зақымдануларды жою;
• Toyota автокөлігі бұзылған кезде және басқа көлікті жалға алу, қонақүйде тұру, алынбай қалған пайда және т.б. иесінің шығындары;
• Иесіне арналған нұсқаулықта көзделген Toyota автомобиліне жоспарлы техникалық қызмет көрсетуді және / немесе қосымша техникалық қызмет көрсетуді орындау үшін қажетті жұмыстардың, қосалқы бөлшектер мен материалдардың құны;
• Қозғалтқышты, дөңгелектерді бекіту бұрыштарын реттеу, тораптарды, бөлшектер мен агрегаттарды майлау және тазалау құны;
• Сүзгілер мен сүзгіш элементтерді, шамдарды, салқындататын және басқа да техникалық сұйықтықтарды, оталдыру және қыздыру білтелерін, балқыма сақтандырғыштарды, форсункаларды ауыстыру;
• Шыны тазалағыштардың щеткаларын, шиналарды, тежегіш қалыптары мен дискілерін / барабандарды, жетек белдіктерін, жетек дискілерін, амортизаторларды ауыстыру;
• Жылтырату, тазалау және коррозияға қарсы өңдеу құны;
• Көлік иесіне арналған нұсқаулықта баяндалған пайдалану ережелерін бұзу нәтижесінде қажеттілік туындаған тораптарды, бөлшектер мен агрегаттарды жөндеу, реттеу және ауыстыру;
• Жоспарлы техникалық қызмет көрсетуді және / немесе қосымша техникалық қызмет көрсетуді сирек (немесе ережебұзушылықпен жүзеге асырылған) жүргізуден, сапасы төмен немесе көлік иесіне арналған нұсқаулықта көрсетілген талаптарға сәйкес келмейтін отынды, жағармай материалдары мен техникалық сұйықтықтарды пайдаланудан туындаған жөндеу.

Қосымша:

— Кепілдік шиналарға қолданылмайды — шиналарға шина өндірушісі кепілдік береді;
— Кепілдік табиғи (қалыпты) шу мен дірілдің болуын / пайда болуын, табиғи тозуды (лак-бояу жабынының тозуы, түссізденуі және түсі кетуі, пайдалану процесінде ластанудың, тозудың және басқа да деформациялардың пайда болуын) өтемейді;
— Одометр көрсеткіштерін қолдан жасау / өзгерту немесе оны ауыстыру сияқты әрекеттер болса, кепілдікпен қызмет көрсету жөніндегі нұсқаулықта тиісті түрде жазылмаған болса — нақты жүрісті белгілеу мүмкін болған кезде, Toyota автокөліктерінің ақауларын жоюды кепілдік өтемейді.

Тағы қараңыз

Lexus Қазақстан бойынша жаңа бес сервистік орталық ашты Lexus Қазақстан бойынша жаңа бес сервистік орталық ашты Lexus компаниясы Қазақстан мен Қырғызстанның Қостанай, Қарағанды, Павлодар, Шымкент, Орал және Бішкек сынды қалаларында дилерлік негізінде авторланған сервистік орталықтарды ашу арқылы жоғары сапалы сервистік қызметтің қолжетімділігін қамтамасыз етті. Toyota онлайн-сатылымдарды бастады Toyota онлайн-сатылымдарды бастады Toyota ресми дилерлерінің сайттарында клиенттерге үйден шықпай-ақ қалаулы автомобильді сатып алуға мүмкіндік беретін жаңа функция іске қосылды. Тойота Қызылордада бірінші сервис орталығын ашты. Тойота Қызылордада бірінші сервис орталығын ашты. Клиент бірінші орында" қағидатын басшылыққа ала отырып, "Тойота Мотор Қазақстан" компаниясы Қызылорда қаласында өкілдіктің жаңа форматын іске қосты, ол клиенттерге шағын қалаларда шынайы қызмет көрсетуді жақындатуға бағытталған. Жаңа Toyota Corolla-ға Қазақстанда алдын ала тапсырыс беруге болады. Жаңа Toyota Corolla-ға Қазақстанда алдын ала тапсырыс беруге болады. Өз класындағы үстемдік: қарқынды стиль, ең жоғарғы бедел және қозғалыс жайлылығының жаңа деңгейі.
2018 жылы Toyota және Lexus автокөліктерінің рекордтық мөлшері сатылды 2018 жылы Toyota және Lexus автокөліктерінің рекордтық мөлшері сатылды Өткен жыл ел аумағында сатылымы күткеннен де жоғары нәтиже көрсеткен Toyota және Lexus маркаларының Қазақстандағы шүбәсіз танымалдығын кезекті рет растады. Көрсеткіштерге сай, брендтер Қырғызстан нарығын да дәл сондай қарқынмен жаулап келеді. Toyota балалар үшін жол қозғалысының қауіпсіздігі бойынша кампанияны іске қосты Toyota балалар үшін жол қозғалысының қауіпсіздігі бойынша кампанияны іске қосты "Тойота Мотор Қазақстан" компаниясы кішкентай жаяу жүргіншілердің қауіпсіздігіне мән беріп, төменгі сынып оқушыларына жол қозғалысының қауіпсіздігін оқыту бойынша Toyota-ның Kids' Road Safety ("Балалардың жолдағы қауіпсіздігі") әлеуметтік жобасын бастады. Үздік тоғыз қатысушы: Toyota «Армандағы автокөлік» байқауының жеңімпаздары таңдалды Үздік тоғыз қатысушы: Toyota «Армандағы автокөлік» байқауының жеңімпаздары таңдалды Қазақстан және Қырғызстан балалары қатысқан балалар суреті шығармашылық байқауы аяқталды. Жас өнерпаздар болашақ автокөліктері туралы өз ойларымен бөлісті, ал байқаудың ұйымдастырушысы — «Тойота Мотор Қазақстан» жұмыстарды бағалау үшін сарапшылар ретінде қазақстандық суретшілерді шақырды. Toyota Retrofit Toyota Retrofit 2020 жылы Toyota компаниясының ресми дилерлері Corolla және RAV4 модельдерінің мультимедиалық жүйелерінің бағдарламалық жасақтамасын ең жаңа нұсқасына жаңарту науқанын бастады.