TOYOTA БАСҚАРУШЫЛЫҚ ҚАҒИДАЛАРЫ

1937 жылы құрылған күннен бастап, біз, «ТОYОТА МОТОР КОРПОРЭЙШН», және компанияның барлық еншілес кәсіпорындары инновациялық тауарларды өндіріп және жоғары сапалы қызметті ұсынып, қоғамның тұрақты дамуына өз үлесін қосуға тырысты. Осы ұмтылыстың арқасында біз компанияда ұрпақтан ұрпаққа беріліп келе жатқан өз басқару философиямызды, құндылықтарымызды және әдістерімізді әзірлеп шығардық.

Біз осы басқару философиясын «Tоyоtа» басқарушылық қағидаларына (1992 жылы бірінші нұсқасы пайда болды, ал 1997 жылы – қайта өңделген нұсқасы) біріктірдік, онда біз компаниямыздың қандай болғанын қалайтынымыз көрсетілген. «Біз атқарып жатқан ісіміз бен қоғамды дамытуға қосқан үлесіміз осы қағидаларға сай келеді деп шынайы сенеміз. Біздің құндылықтар мен әдістер «The Toyota Way» («Тоyоtа философиясы») (2001 жылы шыққан) кітабында баяндалған, өйткені «Tоyоtа» басқарушылық қағидаларын» іс жүзінде іске асыру үшін біздің құндылықтар мен әдістерді бүкіл әлемдегі біздің кәсіпорындарымыздағы қызметкерлер де ұстануы қажет. Жаңа буын да «Тоyоtа философиясын» ұстанады деген сенімдеміз.

Соңғы он жылдықта біздің компания өз қызметін бүкіл әлемге таратып үлгерді, осыған байланысты корпорацияның тұрақты даму рөліне қатысты қоғамның да үміті артты. Осыны назарға ала отырып, біз «Тоyоtа» басқарушылық қағидаларын» барлық мүдделі тараптармен әрекеттесе отырып, тұрақты дамуға қалай көмектесе алатынымыз тұрғысынан түсіндіруге тырыстық.

Біздің компанияның барлық қызметкері осы қағидаларды біледі әрі бөліседі, сондай-ақ біз тұрақты дамуға бағытталған күш жұмсауды одан әрі жалғастыра береміз. Сонымен бірге біздің серіктестер осы бастамаға қолдау білдіріп, соған сәйкес әрекет жасайтын болады деп үміттенеміз.

2005 жылғы қаңтар
«Тоyоtа Мотор Корпорэйшн» президенті

«Тоyоtа» компаниясының басқарушылық қағидалары

1. Әлемнің абыройлы корпоративтік азаматы болу үшін әр елдің заңын құрметтеу, істі ашық әрі адал жүргізу.
2. Әр ұлттың мәдениеті мен салт-дәстүрін құрметтеу және өз ісіңмен қоғамды экономикалық және әлеуметтік тұрғыдан дамытуға жәрдемдесу.
3. Бар күшімізді экологиялық таза әрі қауіпсіз тауарларды өндіруге, бүкіл әлемдегі өмір сапасын арттыруға бағыттау.
4. Озық технологияларды әзірлеп, дамыту және өте сапалы тауарлар мен қызметтерді ұсыну.
5. Жеке бастың және ұжымның шығармашылығын ынталандыратын және қатардағы қызметкерлер мен басшылар арасында өзара сенім орнатуға және бір-бірін құрметтеуге себепші болатын корпоративтік мәдениетті дамыту.
6. Жаңашыл басқару әдістерінің көмегімен әлемдік қоғамдастықпен үйлесе отырып өсуге талпыну.
7. Зерттеулер мен әзірлемелер саласындағы іскери серіктестермен ынтымақтасудың мақсаты жаңа клиенттерді құшақ жая қарсы алуға дайын бола тұра, ұзақ мерзімдік дамуды және өзара пайда алуды көздейді.