Дербес және өзге де деректерді өңдеу, қорғау және құпиялылық саясаты

1.   Кіріспе және қолдану саласы

Біз сіздің құпиялылығыңызды бағалаймыз және «Тойота Мотор Қазақстан» ЖШС компаниясымен кез келген бірлесіп әрекеттескен кезде сіздің дербес және өзге де деректеріңізді (бірге «деректер» деп аталады) қорғауды қамтамасыз етеміз.

Осы Құпиялылық және деректерді өңдеу саясаты (бұдан әрі — «Саясат») «Тойота Мотор Қазақстан» ЖШС (бұдан әрі — «Тойота Мотор Қазақстан», «біз», «бізді», «біздің») жинауды, пайдалануды, сақтауды және қорғауды қалай жүзеге асыратынын сипаттайды:

• дербес деректер – Қазақстан Республикасының заңнамасына, соның ішінде ҚР «Дербес деректер және оларды қорғау туралы» заңына сәйкес.
• басқа деректер — қолданыстағы заңнама нормаларында және құпиялылықты қамтамасыз ету стандарттарында көзделген шектерде.

Саясат жеке тұлға – пайдаланушылармен, клиенттермен, іс – шараларға қатысушылармен және өзге де дербес деректер субъектілерімен (бұдан әрі – «Дербес және өзге де деректер субъектілері»/ «Субъект») бірлесіп әрекеттесудің барлық түрлеріне қолданылады.

Осы Саясат Toyota Motor Қазақстан компаниясы ұсынатын немесе басқаратын немесе оның атынан ұсынылатын не басқарылатын белгілі бір қызметтерге, құралдарға, қосымшаларға, веб-сайттарға, порталдарға, жарнамалық акцияларға (Интернетте), маркетингтік акцияларға, әлеуметтік желілерде демеушілік етілетін платформаларға және т.б. қатысты құпиялылық туралы арнайы хабарламаларды қамтиды. Бұл құпиялылық туралы хабарламалар сіздің Дербес немесе басқа деректеріңіз белгілі бір әрекеттер үшін қажет болған жағдайда (мысалы, веб-сайттарды, порталдарды, жеке байланыс қызметтерін пайдалану, ақпараттық бюллетеньдер, еске салғыштар, сауалнамалар, ұсыныстар алу, іс-шараларға қатысу және т.б.) сізге жіберіледі.

2.   Сіздің дербес деректеріңізді өңдеу үшін кім жауапты?

Дербес деректерді Қазақстан Республикасының қолданыстағы заңнамасына сәйкес тікелей немесе оның атынан Тойота Мотор Қазақстан өңдеген жағдайларда, дербес деректеріңізді өңдеуге Дербес деректер операторы ретінде келесі заңды тұлға жауапты болады:

«Тойота Мотор Қазақстан» ЖШС (БСН 0805400113140)

Қазақстан Республикасы

Алматы қ.
Достық даңғылы, 232

3.   Сұрақ қою немесе өтінішті жіберу үшін кіммен байланысуға болады?  Дербес деректерді өңдеуді ұйымдастыруға жауапты тұлғаның (ДДр бойынша жауапты)

ДДр бойынша жауапты сіздің сұрақтарыңызға немесе осы Саясатқа, құпиялылық туралы кез келген нақты хабарламаға, дербес деректерге (және оларды өңдеуге) қатысты өтініштеріңізге жауап береді.

Осы саясатты қолдануға немесе осы Саясатта сипатталған құқықтарыңызды жүзеге асыруға қатысты кез келген мәселелерді, өтініштерді немесе шағымдарды жіберу үшін сіз келесі мекенжай бойынша ДДр бойынша жауаптымен хабарласа аласыз:

• info@toyota-motor.kz и
• «Тойота Мотор Қазақтан» ЖШС
  Кімге: Тойота Мотор Қазақстан компаниясының дербес деректерді қорғау мәселелері бойынша байланыс тұлғасы
  Қазақстан Республикасы

Алматы қ.
Достық даңғылы, 232

4. Деректерді өңдеудің негізгі принциптері

Біз сіздің сеніміңізді бағалаймыз және сіз берген дербес деректердің заңды, ашық және қауіпсіз өңделуін қамтамасыз етуге міндеттенеміз. Тойота Мотор Қазақстан келесі негізгі принциптерді басшылыққа алады:

• Заңдылық:  біз дербес деректерді заңды негізде, адал және ашық, Қазақстан Республикасының заңнамасына қатаң сәйкес жинауды және өңдеуді жүзеге асырамыз.
• Деректердің минималды көлемі: біз мәлімделген мақсаттарға жету үшін қажет деректер көлемін ғана жинаймыз және өңдейміз.
• Мақсатты шектеу: дербес деректер тек нақты, алдын ала анықталған және заңды мақсаттар үшін өңделеді. Егер заңда өзгеше көзделмесе немесе субъектімен келісілмесе, біз деректерді бастапқы деректерге сәйкес келмейтін мақсаттарда пайдаланбаймыз.
• Өзектілігі: біз сіздің дербес деректеріңіздің дәлдігі мен өзектілігін қамтамасыз ету бойынша шаралар қолданамыз; қажет болған жағдайда деректер жаңартылады
• Қауіпсіздік және деректерді қорғау: біз сіздің жеке деректеріңіздің қорғалатын сипатын ескере отырып, деректердің қауіпсіздігі мен қорғалуының тиісті деңгейін қамтамасыз ету үшін техникалық және ұйымдастырушылық шараларды қолданамыз. Мұндай шаралар кез келген рұқсатсыз жария етудің немесе қол жеткізудің, кездейсоқ немесе заңсыз жоюдың, кездейсоқ жоғалтудың немесе өзгертудің және өңдеудің кез келген басқа әдісін заңсыз пайдаланудың алдын алуға мүмкіндік береді.
• Деректерге қол жеткізу және өзгерістер енгізу құқығы:  деректерді өңдеу субъектілердің өз дербес деректеріне қол жеткізу, оларды түзету, жаңарту, бұғаттау немесе жою құқығын қоса алғанда, қолданыстағы заңнамада белгіленген тәртіппен құқықтарын сақтай отырып жүзеге асырылады.
• Шектеулі сақтау мерзімдері: біз дербес деректерді қорғау туралы қолданыстағы заңнамаға сәйкес және осындай деректерді жинау мақсаттарына сәйкес келетін мерзім ішінде ғана сақтаймыз.
• Трансшекаралық берген кезде деректерді қорғау::  біз ЕЭ Қазақстан Республикасынан тыс жерлерге берілетін кез келген дербес деректердің тиісті қорғалуына кепілдік береміз.
• Үшінші тұлғаларға беруге қатысты кепілдіктер арқылы: біз үшінші тұлғалардың дербес деректерге қол жеткізуі (және оларды үшінші тұлғаларға беру) қолданыстағы заңнамаға сәйкес жүзеге асырылатынына кепілдік береміз.
• Қолданыстағы заңнамаға сәйкес тікелей маркетинг және cookie файлдарын пайдалану: сізге жарнамалық материалдарды жіберген немесе компьютеріңізде cookie файлдарын орналастырған кезде қолданыстағы заңнаманың сақталуына кепілдік береміз.

Осы саясат осы Саясатта Toyota, «Toyota», «біз», «бізді» және «біздің» деп аталатын «Тойота Мотор Қазақстан» ЖШС компаниясы (немесе оның атынан) жинайтын барлық дербес деректеріңізге қолданылады.

Осы Саясаттың ережелерін қабылдай отырып, сіз өзіңіздің дербес деректеріңізді осы Саясатта көзделген тәсілдермен өңдеуге келісім бересіз.

Осы Саясаттың соңғы бөлімінде бас әріппен жазылатын (мысалы, Дербес деректер, Өңдеу, Деректер контроллері және т. б.) онда қолданылатын негізгі терминдердің анықтамалары берілген

Toyota деректеріңіздің құпиялылығын бағалайды. Сіз Toyota-мен клиент, тұтынушы, қоғам өкілі және т.б. ретінде қарым-қатынас жасасаңыз да, сіз өзіңіздің дербес деректеріңізді қорғауға құқығыңыз бар. Бұл деректерге сіздің атыңыз, телефон нөміріңіз, электрондық пошта мекенжайыңыз бен тегіңіз, сондай-ақ автокөлігіңіздің сәйкестендіру нөмірі (VIN), (гео)локация және т.б. сияқты басқа деректер кіруі мүмкін.

5. Дербес деректерді өңдеу. Біз қандай Дербес деректерді және қандай заңнамаға сәйкес жинаймыз

Дербес деректерді жинаған кезде сіз өңдеу мақсаттары мен талаптары туралы жеке хабардар боласыз, тиісті хабарлама осындай жинау сәтінде беріледі.

Бұл ақпарат сізге кері байланыс нысандары, өтінімдер, ақпараттық бюллетеньдерге жазылым және сауалнамаларға қатысу сияқты веб-сайт функцияларын пайдаланған кезде беріледі.

Дербес деректерді қорғау туралы қолданыстағы заңнамаға сәйкес сіздің дербес деректеріңіз мынадай жағдайда өңделуі мүмкін:

• сіз Өңдеу мақсаттары үшін келісіміңізді бердіңіз (осы нақты Өңдеуге байланысты жіберілетін құпиялылық туралы хабарламада көрсетілген). Келісімді кері қайтарып алу дербес деректерді одан әрі өңдеуге кедергі келтірмейтін Қазақстан Республикасының заңнамасында тікелей көзделген жағдайларды (мысалы, Оператор алдында орындалмаған міндеттемелер: берешек/талап ету жұмысы/кепілдікті қызмет көрсету/қайтарып алу/сервистік науқандар бойынша міндеттемелер болса; егер өңдеу заң бойынша, соның ішінде салық заңнамасы және т. б. бойынша талап етілсе) қоспағанда, белгісіздікті болдырмау үшін, өз келісіміңізді кері қайтарып алуға құқығыңыз бар;
• немесе дербес деректеріңіз заңды негізде, ашық көздерден, үшінші тұлғалардан алынған болса немесе мұндай өңдеу Қазақстан Республикасының заңнамасында тікелей көзделген жағдайларда (мысалы, соттың немесе құқық қорғау органдарының сауалы бойынша, салықтық тексеру аясында, мәліметтерді мемлекеттік органдарға міндетті түрде берген кезде немесе Тойота Мотор Қазақстан заңнама талаптарына сәйкес қайтарып алу науқандарына қатысу туралы сізге хабарлағанда, өйткені бұл сіздің қауіпсіздігіңізді және өнімнің тиісті техникалық күйін қамтамасыз етуге бағытталады) Сіздің дербес деректеріңізді өңдеу келісіміңізсіз жүргізілуі мүмкін.
• Немесе қолданылатын заңнамада көзделген өзге де жағдайларда.

6. Дербес деректер қандай мақсатта өңделеді

Біз сіздің Дербес деректеріңізді нақты, алдын ала белгіленген және заңды мақсаттар үшін қажет көлемде ғана өңдейміз. Өңдеу тек осы Саясатта және/немесе деректерді жинау сәтінде жолданатын құпиялылық туралы жеке хабарламаларда көрсетілген мақсаттар аясында жүзеге асырылады. Біз сіздің Дербес деректеріңізді құқықтық негізсіз өзге мақсаттар үшін пайдаланбаймыз.

Өңделген деректер, атап айтқанда, мыналарды қамтуы мүмкін:

• Сәйкестендіру деректері – ТАӘ, ЖСН, туған күніңіз;
• Байланыс деректері – телефон нөміріңіз, e-mail, мекенжайыңыз;
• Автокөлік туралы ақпарат, егер ол сізді анықтауға мүмкіндік беретін басқа мәліметтермен бірге қолданылса (мысалы, VIN, мемлекеттік тіркеу нөмірі, автокөлік моделі — олар сіздің профиліңізге, өтініміңізге немесе айналымыңызға тіркелген кезде). Назар аударыңыз: VIN-код бойынша сіздің жеке басыңызды анықтау мүмкін болмаса, ол дербес дерек емес;
• Сайтты немесе порталды пайдалану деректері, соның ішінде IP мекенжайы, кіру тарихы, пайдаланушы параметрлері – біз мұндай деректерді сіздің есептік жазбаңызбен байланысқан немесе сізді пайдаланушы ретінде анықтауға мүмкіндік беретін жағдайларда дербес деректер ретінде қарастырамыз;
• Егер сіз оларды жүктесеңіз, дыбыстық және графикалық файлдар (мысалы, қолдау үшін қол жеткізген кезде аудио хабарламалар);
• Есептік жазбаны жасаған кезде сіз көрсеткен профиль деректері, соның ішінде интерфейс параметрлері мен баптаулары. Бұл деректердің кейбіреулері міндетті емес, бірақ көрсетілетін қызметтерді жекелендіруге мүмкіндік береді.

Өңдеу мақсаттары мыналарды қамтуы мүмкін:

• тапсырыстарыңызды немесе өтінімдеріңізді орындау;
• сайттың, порталдың немесе мобильді қолданбаның жұмыс істеуін және пайдаланудың ыңғайлылығын арттыруды қамтамасыз ету;
• біздің өнімдердің, қызметтердің және коммуникациялар сапасын жақсарту;
• сізге өнімдер, қызметтер және арнайы ұсыныстар туралы өзекті ақпарат беру;
• маркетингтік іс-шараларды өткізу (заңнамамен рұқсат етілген шектерде);
• заң талаптарын орындау (мысалы, құжаттарды бухгалтерлік есеп немесе салық салу мақсатында сақтау).

Маңызды:
Берілген деректер санаттары мен мақсаттары толық емес. Өңдеудің нақты көлемі мен мақсаттары сіздің деректеріңізді алған сәтте — сайтта, қосымшада, кері байланыс нысанында немесе өзге жинау нүктелерінде орналастырылатын құпиялылық туралы тиісті хабарламаларда көрсетіледі.

Қосымша:
Есептік жазбаны құрған кезде біз профильді автоматты түрде толтыру және интерфейсті баптау үшін қажет деректерді өңдей аламыз. Біз ақпаратыңызды қорғаудың маңыздылығын түсінеміз және клиенттердің фотосуреттерін немесе суреттерін сақтамаймыз. Платформадағы Камера тек QR кодтарын сканерлеу немесе мультимедиа құрылғыларға қосылу үшін қолданылады.

7. Дербес деректердің дұрыстығы мен өзектілігін қамтамасыз ету

Тойота Мотор Қазақстан компаниясы сіздің дербес деректеріңіздің дұрыстығы мен өзектілігін сақтауға ұмтылады. Қазақстан Республикасының заңнамасына сәйкес дербес деректерді өзгерту немесе толықтыру деректер субъектісінің немесе оның заңды өкілінің өтініші (сауалы) негізінде немесе заңда тікелей көзделген өзге де жағдайларда ғана жүргізіледі.

Дербес деректеріңіздегі кез келген өзгерістер немесе қателер туралы бізге уақытылы хабарлауыңызды сұраймыз. Ол үшін Дербес деректерді қорғау мәселелері бойынша байланыстағы адамға хабарласуға болады («Сұрақ қою немесе өтініш жіберу үшін кіммен байланысуға болады?» деген 3-бөлімді қараңыз). Біз кез келген дұрыс емес немесе ескірген Дербес деректерді жою немесе түзету үшін тиісті әрекеттер жасаймыз.

8. Дербес деректеріңізге қол жеткізу

Сіздің біз өңдейтін Дербес деректеріңізге қол жеткізуге құқығыңыз бар, сондай-ақ олар дұрыс емес немесе толық болмаса, Дербес деректеріңізді түзетуді немесе жоюды талап ету құқығыңыз бар.  Дербес деректерді өзгерту және толықтыру сіздің жазбаша немесе электрондық сауалыңыздың немесе заңда көзделген өзге де өтініштің негізінде жүзеге асырылады.

Егер Сізге Дербес деректердің құпиялылығына қатысты құқықтарыңыз туралы қосымша ақпарат қажет болса немесе осы құқықтардың кез келгенін пайдаланғыңыз келсе, Дербес деректерді қорғау мәселелері бойынша байланыстағы адамға хабарласыңыз («Сұрақ қою немесе өтініш жіберу үшін кіммен байланысуға болады?» деген 3-бөлімді қараңыз).

Осы Саясатта көрсетілген құқықтарды іске асыру үшін Тойота Мотор Қазақстан жеке басын растауды, оның ішінде жеке басын куәландыратын құжатты, ЭЦҚ-ны немесе өтініш берушіні/субъектіні сәйкестендіруге мүмкіндік беретін өзге де дәлелдемені ұсынуды сұрай алады.

9. Сіздің Дербес деректеріңізді қанша уақыт сақтаймыз

Біз сіздің дербес деректеріңізді оларды өңдеу мақсаттарына қол жеткізу үшін қажет мерзім ішінде немесе Қазақстан Республикасының заңнамасында (мысалы, салық, азаматтық) белгіленген мерзім ішінде ғана сақтаймыз.

Өңдеу мақсатына жеткеннен кейін немесе белгіленген сақтау мерзімдері өткеннен кейін сіздің Дербес деректеріңіз заңға сәйкес одан әрі сақтау талап етілетін жағдайларды қоспағанда, жойылуы немесе иесіздендіруі тиіс.

Нақты сақтау мерзімі деректер санатына, өңдеу мақсатына және қолданылатын құқықтық талаптарға байланысты өзгеруі мүмкін.

Дербес деректерді біздің жүйелеріміз бен дерекқорларымызда сақтау мерзімі туралы ақпарат алу үшін Дербес деректерді қорғау мәселелері бойынша байланыстағы адамға хабарласыңыз («Сұрақ қою немесе өтініш жіберу үшін кіммен байланысуға болады?» деген 3-бөлімді қараңыз).

10. Дербес деректерді қорғау

Тойота Мотор Қазақстанда сіздің Дербес деректеріңізді заңсыз немесе рұқсатсыз қол жеткізуден немесе пайдаланудан, сондай-ақ олардың кездейсоқ жоғалуынан немесе олардың тұтастығын бұзудан қорғауды қамтамасыз ету үшін бірқатар техникалық және ұйымдастырушылық шаралар кешені қолданылады. Бұл шаралар Қазақстан Республикасының Дербес деректер және оларды қорғау туралы заңнамасының талаптарына, корпоративтік стандарттарға және ақпараттық қауіпсіздік саласындағы үздік халықаралық тәжірибелерге сәйкес келеді. Мұндай шаралар өңделетін деректердің санатын, болжанатын қауіптердің сипатын және оларға қол жеткізу режимін ескере отырып таңдалады.

Деректердің қауіпсіздігін қамтамасыз ету Дербес деректеріңіздің құпиялылығын, тұтастығын және қолжетімділігін қорғауды білдіреді:

1. Құпиялылық: деректерге рұқсатсыз қол жеткізудің алдын алу;
2. Тұтастық: рұқсатсыз өзгерту мүмкіндігін жою.
3. Қолжетімді болуы: сіздің Дербес деректеріңіз тек уәкілетті қызметкерлерге немесе серіктестерге қажет болған жағдайда ғана қолжетімді болады.

Деректерді қорғауды қамтамасыз ету аясында біз мыналарды қолданамыз:

• ақпараттық жүйелер мен деректерге қол жеткізуді бақылау;
• берілетін ақпаратты шифрлау және қорғау;
• сақтық көшірме жасау және қалпына келтіру жүйелері;
• ақпараттық инфрақұрылымға тұрақты мониторинг және аудит жүргізу;
• қауіпсіздік жүйелеріне тұрақты техникалық қызмет көрсету және жаңарту;
• инциденттерді басқару және қауіп-қатерлерге ден қою процедуралары;
• деректерді қорғау процестерінің үздіксіздігін қамтамасыз ету.
   

Сіздің Дербес деректеріңізді Toyota-ның тапсырмасы бойынша деректерді өңдейтін үшінші тұлғаларға (басқаша айтқанда, үшінші тарап операторларына) (мысалы, мердігерге, АТ-қызметтерін жеткізушіге, серіктеске) тек қана Тойота Мотор Қазақстан уәкілдері бере алады 

Біз деректерді құпиялылық режимін сақтау, сондай-ақ берілген дербес деректерді рұқсатсыз кіруден, өзгертуден, ашудан, жоюдан немесе өзге де заңсыз пайдаланудан қорғауды қамтамасыз ету жөніндегі міндеттемелерді өзіне қабылдайтын үшінші тұлғаларға ғана береміз (12-бөлімді қараңыз).

Компанияда өңдеу мақсаттары, субъектілердің санаттары, деректер құрамы, деректерді сақтау мерзімдері туралы мәліметтерді және үшінші тұлғаларға беру туралы ақпаратты қамтитын дербес деректерді өңдеу жөніндегі операциялардың ішкі тізілімі жүргізіледі.

Дербес деректерге рұқсатсыз қол жеткізуге әкеп соққан оқиға болған жағдайда, Тойота Мотор Қазақстан бұл туралы деректер субъектілерін және уәкілетті мемлекеттік органдарды заңнамада белгіленген мерзімде хабардар етеді. 

11. Coockie файлдарын немесе ұқсас құрылғыларды пайдалану

Біз веб-сайттарымызда cookie файлдарын қолданамыз. Бұл сайтты пайдалануды ыңғайлы етуге және қажетті жақсартуларды енгізуге көмектеседі.

Cookie файлдарын пайдалану және оларды қалай ажырату туралы қосымша ақпаратты «Заңды ақпарат» бетінде орналастырылған cookie файлдарына қатысты саясатымыздан табуға болады.

Біз cookie файлдары кейде дербес деректер болмайтынына назар аударғымыз келеді. Егер cookie файлдары сізді Дербес деректер субъектісі ретінде тікелей немесе жанама түрде сәйкестендіруге мүмкіндік бермесе (мысалы, сіздің есептік жазбаңызбен, ЖСН, IP-мекенжайыңызбен немесе өзге де сәйкестендіргішпен байланысты болмаса), оларға Қазақстан Республикасының Дербес деректер туралы заңнамасы қолданылмайды. Мұндай жағдайларда олар техникалық деректер ретінде қарастырылады.

12. Дербес деректерді ашу

Дербес деректерді жинау және өңдеу мақсаттарына байланысты біз оларды үшінші тұлғаларға, оның ішінде Тойота Мотор Қазақстан үлестес және серіктес ұйымдарына, сондай-ақ бұл осы Саясатта көрсетілген мақсаттарға қол жеткізу үшін қажет болса және Қазақстан Республикасы заңнамасының талаптары сақталған кезде өзге де тұлғаларға аша аламыз.

Алушылардың келесі санаттарына ашуға болады:

1. Құрылымға кіретін уәкілетті қызметкерлер мен ұйымдар, Тойота Мотор Қазақстан:

• Тойота/Лексус уәкілетті дилерлері және/немесе уәкілетті сервистік орталықтары
• «Тойота Файнаншл Сервисез Қазақстан» ШҚҰ» ЖШС,
• «Тойота Иншуранс Менджмент (сақтандыру брокерлері)» ЖШС
• Тойота Мотор Еуроп HB/CA (Бельгия)
• Тойота Мотор Корпорейшн (Жапония)

Операторға осы сайтқа қолдау көрсету, мәліметтерге сараптама жасаушы және нарықты зерттейтін жеткізушілер бойынша қызмет көрсететін жеткізушілер.

2. Тапсырма бойынша деректерді өңдейтін үшінші тұлғалар (үшінші тарап операторлары) Тойота Мотор Қазақстан: 

• Жарнамалық және маркетингтік агенттіктер: жарнамалық науқандар мен акцияларды өткізу және олардың тиімділігін талдау үшін;
• Іскери серіктестер: мысалы, сіздің Дербес деректеріңізді сізге сұраған қызметтерді және/немесе өнімдерді ұсыну үшін қолдана алатын және/немесе сізге маркетингтік материалдарды ұсына алатын сенімді компаниялар (егер сіз осындай маркетингтік материалдарды алуға келіскен болсаңыз). Біз мұндай компанияларды қолданыстағы заңнамаға және осы Саясатқа сәйкес қатаң әрекет етуге және сіздің жеке ақпаратыңыздың құпиялылығына ерекше назар аударуға міндеттейміз;
• Toyota Motor Kazakhstan компаниясының қызмет көрсетушілері: Toyota Motor Kazakhstan компаниясына немесе оның атынан қызмет көрсететін компанияларға осындай қызмет көрсету мақсатында (мысалы, Toyota Motor Kazakhstan сіздің дербес деректеріңізді АТ-ға байланысты қызметтердің сыртқы жеткізушілеріне бере алады).

3. Басқа үшінші тараптар:

Мемлекеттік органдар, соның ішінде соттар, құқық қорғау органдары, реттеу және қадағалау органдары өз өкілеттіктері аясында деректерді алады (мысалы, тергеу, тексеру немесе атқарушылық іс жүргізу жүргізген кезде, есептілікке байланысты міндеттемелер);

Заң және салық консультанттары, аудиторлар, сондай-ақ басқа да кәсіби консультанттар, беру заңды құқықтарды қорғау үшін қажет болса және бизнес қайта ұйымдастырылған, біріктірілген, сатылған немесе берілген жағдайда сіздің дербес деректеріңіз құпиялылық талаптарын сақтауға және сіздің деректеріңізді заңнамаға сәйкес қорғауды қамтамасыз етуге міндеттелген жағдайда, құқықтық мирасқорға берілуі мүмкін.

Бұл ретте Сіздің дербес деректеріңіз берілуі мүмкін тұлғалардың нақты санаттары деректер жиналған немесе берілген сәтте, құпиялылық туралы тиісті хабарламада немесе өзге де заңды маңызы бар құжатта тікелей көрсетіледі.

Назар аударыңыз, 1-тармақта көрсетілген үшінші тұлғалар да (мысалы, Операторға веб-сайтты және басқа цифрлық қызметтерді қолдайтын қызметтерді жеткізушілер, деректер аналитикасын және нарықты зерттеуді жеткізушілер) өз өнімдері мен қызметтерін тікелей пайдаланушыларға, соның ішінде өз қызметтері, қолданбалары немесе басқа арналары арқылы ұсына алады. Мұндай жағдайларда мұндай үшінші тұлғалар дербес деректер операторлары ретінде әрекет ете отырып, Дербес деректерді жинай және өңдей алады. Тиісінше, олар мұндай деректерді өңдеуге толық жауапты және олармен қарым-қатынасыңыз олардың өздерінің құпиялылық саясаттары мен пайдалану талаптарымен реттеледі.

13. Ресми дилерлермен және Тойота Мотор Қазақстан сервистік орталықтарымен бірлесіп әрекеттесу

Егер сіз автокөлікті немесе басқа өнімді немесе қызметті ресми дилерлердің бірінен немесе Toyota Motor Қазақстан сервистік орталықтарынан сатып алсаңыз немесе оларға өз Дербес деректеріңізді (мысалы, сервиске жазылған, өтінімді ресімдеген, тест-драйв жасаған немесе автокөлікті сатып алған кезде) ұсынсаңыз, мұндай тұлғалар «Toyota Motor Қазақстан» ЖШС компаниясына тәуелсіз әрекет етеді және сіздің дербес деректеріңізді өңдеу үшін жеке операторлар ретінде өздері жеке немесе, бұл тиісті процедураларда немесе шарттарда тікелей көзделген болса, Toyota Motor Қазақстанмен бірлесіп жауапкершілік көтереді.

Toyota Motor Қазақстан компаниясы Toyota Motor Қазақстан тапсырмаларының аясынан тыс осындай тұлғалар сіздің дербес деректеріңізбен жүргізетін жинауды, сақтауды, беруді және өзге де әрекеттерді бақыламайды және маркетингті, сатуды, сервистік сүйемелдеуді және клиенттермен өзге де бірлесіп әрекеттесуді қоса алғанда, ресми дилерлер мен сервистік орталықтар өз мақсаттары үшін жүзеге асыратын өңдеу үшін жауапты болмайды.

Сіз өзіңіздің Дербес деректеріңізді өңдеуге қатысты мәселелер бойынша (мысалы, кіруге, өзгертуге, келісімді қайтарып алуға және т.б. сауалдармен) тиісті дилерге немесе қызмет көрсету орталығына тікелей хабарласа аласыз.

Егер сіз біздің веб-сайт немесе қолданба арқылы өтінім берсеңіз немесе өзге әрекетті жасасаңыз, сіздің Дербес деректеріңіз сіздің сауалыңызды өңдеу үшін ресми дилерге немесе Тойота Мотор Қазақстан сервистік орталығына берілуі мүмкін. Мұндай беру сіздің таңдауыңыз бойынша (егер сіз қалаған дилерді көрсеткен болсаңыз) немесе жақын жердегі дилердің автоматты түрде анықтау негізінде жүзеге асырылады. Бұл жағдайда тиісті дилер немесе сервистік орталық дербес деректердің жеке операторы ретінде әрекет етеді және дербес деректерді қорғау туралы заңнаманың сақталуына өз бетінше жауапты болады.

14. Әлеуметтік желілерді пайдалану

Егер сіз Toyota Motor Қазақстан платформасына (сайт, портал және т.б.) әлеуметтік желідегі (мысалы, Facebook) есептік жазбаңыз арқылы кіруді пайдалансаңыз, сіз өзіңіздің әлеуметтік желідегі профиліңізде қолжетімді белгілі бір дербес деректерді авторизациялаған кезде көрсетілген көлемде Toyota Motor Қазақстан беруге келісіміңізді анық растайсыз. Деректерді беру тиісті әлеуметтік желінің хаттамасына сәйкес қауіпсіз арна арқылы жүзеге асырылады, ал өңдеу мақсаттары кірген сәтте көрсетіледі.

Егер сіз Toyota Motor Қазақстан сервистеріне (веб-сайтқа, порталға, мобильді қосымшаға және т. б.) қол жеткізген кезде әлеуметтік желілер (мысалы, Facebook, Google және т. б.) арқылы кіруді пайдалансаңыз, біз әлеуметтік желінің тиісті провайдерінен сіз өзіңіздің ашық профиліңізде қолжетімді еткен белгілі бір Дербес деректеріңізді осы деректерді беруге сіздің нақты келісіміңіз болған кезде ғана ала аламыз. Бұл жағдайда өңдеу Қазақстан Республикасының заңнамасына және әлеуметтік желінің құпиялылық саясатына сәйкес жүргізіледі.

Сонымен қатар Toyota Motor Қазақстан пайдаланушылармен байланысты ақпаратты (мысалы, конкурсқа қатысушының аты-жөні, оның пікірі немесе бейнесі) әлеуметтік желілердегі Toyota Motor Қазақстан ресми парақшаларында, бірақ Дербес деректер субъектісінің келісімі болған кезде немесе заңнамада тікелей көзделген жағдайларда ғана орналастыра алады.

Егер сіз дербес деректеріңізді өзіңіз ашық көздерде, соның ішінде әлеуметтік желілердегі Тойота Мотор Қазақстан ресми парақшаларында орналастырсаңыз, сіз өзіңіздің ақпаратыңыздың немесе сіз орналастыратын үшінші тұлғалардың ақпаратының құпиялылығы үшін ықтимал салдарды қоса алғанда, осындай әрекеттер үшін толық жауапты боласыз. Тойота Мотор Қазақстан ашық жариялау нәтижесінде сіздің деректеріңізге қол жеткізе алатын үшінші тұлғалардың әрекеттері үшін жауапты емес.

Назар аударыңыз, Facebook, Instagram, TikTok және т.б. сияқты платформалар үшінші тарап ұйымдары болып табылады және өздерінің пайдалану талаптары мен құпиялылық саясаты арқылы реттеледі. Тойота Мотор Қазақстан осы платформалардың қызметін бақыламайды және пайдалануды бастағанға дейін олардың ережелерімен мұқият оқып шығуыңызды ұсынады.

Үшінші тарап платформаларының пайдалану талаптары мен құпиялылық саясатының үлгілері (мыналарды қоса алғанда, бірақ олармен шектелмейді):

• YouTube арнасын пайдалану талаптары: https://www.youtube.com/t/terms
• Google құпиялылық талаптары: https://policies.google.com/privacy

15. Дербес деректерді трансшекаралық беру

«Дербес деректерді ашу» деген 12-бөлімде көрсетілгендей, біз сіздің Дербес деректеріңізді ел ішінде де, одан тыс жерлерде де, мұндай беру төмендегілер үшін қажет болса, үшінші тұлғаларға бере аламыз: (1) осы Саясатта көрсетілген мақсаттарға қол жеткізу үшін; (2) келісіміңізді алған сәтте тікелей көрсетілген мақсаттар үшін; немесе (3) Қазақстан Республикасының заңнамасында тікелей көзделген жағдайларда.

Егер мұндай үшінші тұлғалар Қазақстан Республикасынан тыс жерлерде болса, дербес деректерді беру трансшекаралық беру ретінде жіктеледі, ол заңнамада көзделген жағдайларда ғана жүзеге асырылады, соның ішінде:

• алдын ала келісіміңізді алу немесе;
• алушы мемлекетте дербес деректерді қорғаудың тиісті деңгейінің болуы;
• немесе Қазақстан Республикасының заңдарында көзделген өзге де негіздер.

Трансшекаралық беруді жүргізер алдында біз берілетін дербес деректердің тиісті қорғалуын қамтамасыз етеміз. Бұған Toyota Motor Қазақстан корпоративтік стандарттарына және қолданыстағы заңнамаға сәйкес құқықтық (мысалы, деректерді қорғау туралы келісімдер), техникалық және ұйымдастырушылық шаралар кіреді.

Біз әрқашан сіздің дербес деректеріңізді Қазақстан Республикасынан тыс жерлерге беру туралы тікелей хабардар етеміз. Бұл ақпарат сізге веб-сайттың белгілі бір функцияларын пайдаланған кезде жеке құпиялылық туралы хабарлама арқылы беріледі (мысалы, өтінімдерді жіберу, ақпараттық бюллетеньге жазылу, сауалнамаларға қатысу және т.б.).

Деректер субъектісінің азаматтығына қарамастан (шетелдік азаматтың автокөлік сатып алу жағдайларын қоса алғанда) дербес деректер бірінші кезекте Қазақстан Республикасының аумағында өңделеді және сақталады. Оларды трансшекаралық беру Қазақстан Республикасының заңнамасында тікелей көзделген жағдайларда ғана мүмкін болады.

16. Сіздің таңдауыңыз және құқықтарыңыз

Сізбен қарым-қатынаста біз ашықтық принципін басшылыққа аламыз, осылайша сіз Тойота Мотор Қазақстан компаниясының сіздің дербес деректеріңізді пайдалануына қатысты ақпараттандырылған шешім қабылдай аласыз.

• Сіз таңдаған байланыс әдісі
  
  Сізбен байланысудың әртүрлі тәсілдері мен арналарын (мысалы, электрондық пошта, кәдімгі пошта, әлеуметтік желілер, телефон арқылы) көрсете аласыз, тиісті құрылғыдағы немесе пайдаланушы профиліндегі немесе есептік жазбадағы құпиялылықты баптауда немесе хабарламадағы жазылымнан бас тарту нұсқауларын орындау арқылы осындай байланыстың мақсаты мен жиілігін көрсете аласыз.
  
  Әдепкі бойынша, егер сіз баптауларда өз қалауыңызды көрсетпесеңіз, сізге тиісті жариялау үшін әдеттегі жиіліктегі жарнамалық хабарламалар жіберілетінін ескеріңіз.
  
  
• Сіздің Дербес деректеріңіз
  
  Бізде қандай Дербес деректердің сақталатынын және оның қалай алынғанын білу үшін сіз әрқашан Дербес деректерді қорғау мәселелері бойынша біздің байланыстағы адамымызға хабарласа аласыз («Сұрақ қою немесе өтініш жіберу үшін кіммен байланысуға болады?» деген 3-бөлімді қараңыз).

• Деректерді түзету
  
  Егер сіздің Дербес деректеріңіз ескірген, қателері бар немесе толық емес деп ойласаңыз, бізге оларды нақтылау туралы өтініш жібере аласыз. Біз сіздің сауалыңызды қарастырамыз және қажет болған кезде тиісті негіздер мен растайтын құжаттар болғанда өзгерістер енгіземіз.
  
  
•  дербес деректеріңіз төмендегіей болса, олар бұғатталады:
  • толық емес;
  • ескірген немесе дұрыс емес;
  • заңсыз жолмен алынды;
  • мәлімделген мақсат үшін оларды өңдеу қажет емес.

Бұғаттау кезеңіне дербес деректерді өңдеу (сақтауды қоспағанда) тоқтатылады. Біз қауіпсіздікті қамтамасыз етеміз және мұндай деректерге заңсыз қол жеткізуге жол бермейміз.

Бұл ретте бұғаттау өңдеу заң бойынша (мысалы, салық органдарына есеп беру үшін), үшінші тұлғалардың құқықтарын қорғау үшін (мысалы, сот процесінде) немесе бұғаттау үшін жеткілікті негіздер болмаған жағдайларда қолданылмайды.

• Сіздің Қазақстан Республикасының заңнамасында көзделген, оның ішінде төмендегі жағдайларда, Дербес деректеріңізді жоюды талап етуге құқығыңыз бар:
  • дербес деректер заңнаманы бұза отырып өңделді;
  • дербес деректерді жинау және (немесе) өңдеу мақсатына қол жеткізілді немесе жойылды;
  • дербес деректерді сақтау мерзімі аяқталды;
  • сіз өңдеуге келісіміңізді қайтарып алдыңыз (егер өңдеу келісім негізінде жүзеге асырылса);
  • заңда көзделген өзге де жағдайларда.

Дербес деректерді жою оларды ақпараттық жүйелерден біржола жоюды және (немесе) материалдық тасымалдауыштарды жоюды білдіреді, нәтижесінде деректерді қалпына келтіру мүмкін болмайды.

Бұл ретте, егер мұндай деректерді сақтау Қазақстан Республикасының заңнамасында тікелей көзделсе (мысалы, бухгалтерлік және салықтық есебін жүргізу, шартты орындау мақсаттары үшін, сот шешімі немесе уәкілетті органның нұсқамасы бойынша) дербес деректер жойылмайды.

• Дербес деректерді иесіздендіру

төмендегі жағдайларда сіздің өз дербес деректеріңізді иесіздендіруді талап етуге құқығыңыз бар:

• өңдеу мақсатына оларды анықтаусыз қол жеткізуге болады;
• деректерді статистикалық, зерттеу немесе өзге де үйлесімді мақсаттарда пайдалану болжанады;
• өңдеуге келісім қайтарып алынды, бірақ субъект иесіздендірілген деректерді пайдалануға мүмкіндік береді.

Дербес деректер, егер оларды сәйкестендірілетін, түрде пайдалану талап етілсе (мысалы, шартты орындау, есеп жүргізу үшін немесе соттың /мемлекеттік органның талабы бойынша) иесіздендіруге жатпайды.

• Келісімді қайтарып алу

Сіз кез келген уақытта:

• дербес деректерді өңдеуге;
• үшінші тұлғаларға беруге;
• жалпыға қолжетімді көздерде орналастыруға;
• трансшекаралық беруге берген келісіміңізді қайтарып ала аласыз.

Тойота Мотор Қазақстан заң бойынша оны жалғастыруға рұқсат етілген жағдайларды қоспағанда, деректерді өңдеуді тоқтатады (мысалы, сот шешімі немесе мемлекеттік органның нұсқамасы болған жағдайда, жоғарыдағы кері қайтарып алу туралы бөлімді қараңыз).

Келісімді кері қайтарып алу осы Саясатта көзделген тәртіппен Компанияның атына жазбаша немесе электрондық хабарлама жіберу арқылы жүзеге асырылады.

17. Құқықтық ақпарат

Осы Саясат кез келген уақытта Дербес деректер субъектілерімен алдын ала келісусіз «Тойота Мотор Қазақстан» ЖШС біржақты соттан тыс тәртіппен өзгертілуі, толықтырылуы немесе кері қайтарып алынуы мүмкін.

Жаңа нұсқасында өзгеше көзделмесе, барлық өзгерістер саясаттың жаңа нұсқасы www.toyotakz.com мекенжайы бойынша ресми сайтта жарияланған сәттен бастап күшіне енеді.

Сіздің Toyota Motor Қазақстан сервистерін пайдалануыңыз және/немесе Саясатқа өзгерістер енгізілгеннен кейін дербес деректерді ұсынуыңыз оның жаңартылған нұсқасымен келісетініңізді білдіреді. Бұл сайтта Саясаттың өзектілігін үнемі тексеріп отыруды ұсынамыз.

Компания Саясаттың өзекті нұсқасымен таныспауына байланысты дербес деректер субъектісіне келтірілген ықтимал залалдарға жауап бермейді.

18. Анықтамалар

Осы Саясатта қолданылатын терминдердің мынадай мағыналары бар:

1. Деректер операторы – сіздің Дербес деректеріңізді өңдеудің мақсаттары мен тәсілдерін анықтайтын ұйым.
   Егер біз сізге өзгеше хабарламасақ, оператор – «Тойота Мотор Қазақстан» ЖШС (Қазақстан, Алматы қ., Достық даңғылы, 232). Қосымша ақпарат сізге белгілі бір қызметтерді (соның ішінде байланыс қызметтерін) пайдаланған кезде жеке құпиялылық туралы хабарлама, электрондық ақпараттық бюллетеньдерді, еске салғыштарды, сауалнамаларды, ұсыныстарды, іс-шараларға шақыруларды және т. б. жіберу арқылы беріледі.
   
   
2. Дербес деректерді қорғау мәселелері жөніндегі байланыстағы адам – байланыс тұлғасы (яғни, Тойота Мотор Қазақстан тиісті юрисдикцияда тағайындаған тұлға), ол арқылы сіз Деректер контроллеріне осы Саясатқа және/немесе сіздің Дербес деректеріңізді (өңдеуге) қатысты өз сұрақтарыңызды немесе өтініштеріңізді жібере аласыз және ол осындай мәселелер мен өтініштерді өңдейтін болады. Егер біз сізге өзгеше хабарламасақ, Дербес деректерді қорғау мәселелері жөніндегі байланыстағы адаммен «Сұрақ қою немесе өтініш жіберу үшін кіммен байланысуға болады?» деген 3-бөлімде көрсетілгендей байланысуға болады.
   
   
3. Дербес деректер — оны тікелей немесе жанама түрде сәйкестендіруге мүмкіндік беретін белгілі бір немесе анықталған жеке тұлғаға (дербес деректер субъектісіне) қатысты ақпарат. Мұндай деректерге, мысалы (бірақ онымен шектелмей) тегі, аты, әкесінің аты, жеке сәйкестендіру нөмірі (ЖСН), сондай-ақ жеке басын сәйкестендіретін өзге де мәліметтер кіреді. Қосымша ақпаратсыз субъектінің жеке басын анықтауға мүмкіндік бермейтін деректер (мысалы, егер ол белгілі бір иесімен байланысты болмаса, автомобильдің VIN коды) Дербес деректер болып саналмайды.

дербес деректерді бұғаттау – жинауды, жинақтауды, өзгертуді, толықтыруды, пайдалануды, таратуды уақытша тоқтату жөніндегі іс-әрекеттер,

дербес деректерді жинау – дербес деректерді алуға бағытталған іс-әрекеттер;

дербес деректерді жою – нәтижесінде дербес деректерді қалпына келтіру мүмкін емес әрекеттер;

дербес деректерді иесіздендіру – нәтижесінде дербес деректердің Дербес деректер субъектісіне тиесілігін анықтау мүмкін болмайтын әрекеттер;

дербес деректерді өңдеу — дербес деректерді жинақтауға, сақтауға, өзгертуге, толықтыруға, пайдалануға, таратуға, иеліктен шығаруға, блоктауға және жоюға бағытталған әрекеттер;

дербес деректерді сақтау – тұтастықты сақтау жөніндегі іс-әрекеттер,

дербес деректер субъектісі (бұдан әрі – субъект) – дербес деректер қатысты болатын жеке тұлға;

үшінші тұлға – субъект, меншік иесі және (немесе) оператор болып табылмайтын, алайда онымен дербес деректерді жинау, өңдеу және қорғау бойынша мән-жайлар немесе құқықтық қатынастар арқылы байланысты тұлғалар.