1. Company
  2. News, Stories and Events
  3. Toyota NOC

TOYOTA ҰЛТТЫҚ ОЛИМПИАДА КОМИТЕТІНЕ 8 АВТОКӨЛІК БЕРДІ

TOYOTA МЕН ҰОК-НІҢ ӘРІПТЕСТІГІ

"Тойота Мотор Қазақстан" компаниясы ұлттық құраманы қолдау және олимпиадалық спортты Қазақстанда дамыту мақсатында, Ұлттық Олимпиада Комитетіне сегіз Toyota автокөлігін берді.

Ұлттық Олимпиада Комитетінің құзырына үш Hiase, екі Land Cruiser 200 және үш Camry беріледі. Автокөліктер Астанадағы Комитет пен ҰОК-нің Алматыдағы бөлімшесінің күнделікті ұйымдастырушылық қызметінде қолданылатын болады.

Өткен жылдың қазан айында Toyota мен ҰОК әріптестік жөніндегі келісімге қол қойды. Оның аясында Toyota қазақстандық құраманы 2024 жылға дейін Олимпиада ойындарында және басқа да халықаралық деңгейдегі сайыстарда қолдауға ниетті. Компаниялар қазақстандықтардың спорттық рухын көтеріп, олимпиадалық құндылықтарды насихаттау мақсатында бірге жұмыс істеуде.

"Біз Халықаралық Олимпиада Комитетінің ТОП-әріптесі Toyota компаниясымен Кореяда өтетін Олимпиада ойындарының қарсаңында белсенді әріптестікті бастадық. Осындай жаһандық әріптестердің олимпиадалық қозғалысқа үлкен мән беріп, спорттың дамуына елеулі үлес қосып жатқаны қуантады. Елдің Ұлттық Олимпиадалық Комитетінің атынан "Тойота Мотор Қазақстанға" Қазақстан құрамасына қолдау білдіргені үшін алғыс айтамыз және біздің әріптестігіміз отандық спортшылардың олимпиадалық рухын нығайтып, барынша көп қазақстандықтарды спортқа тартады және болашақ ортақ жобаларға негіз болады деп үміттенеміз.

Бірнеше күннен кейін біз өз атлеттерімізді қысқы Олимпиада ойындарында қолдайтын боламыз. Біздің спортшыларымыз спорттың 9 түрінен 57 жолдамаға ие болды және біз осы Олимпиадада еліміздің намысын қорғайтын әр спортшы құрметке лайық деп санаймыз", – деді Қазақстанның ҰОК-нің бас хатшысы Данияр Абулғазин.

Өткен жылдың қарашасында Toyota компанияның әркім мүмкін емес дүниеге қарсы шығып, өз қарымын жүзеге асыра алатын мықты қоғам құруға деген талпынысын көрсететін Start Your Impossible жаһандық бастамасын іске қосты. "Біз еркін қозғалғанда бәрі де мүмкін!" – кампанияның қозғалыс еркіндігіндегі мәні дәл осыдан көрінеді.

Бұл кампанияның басты қаһармандары, әрине, Қазақстанның олимпиадалық спортшылары болды. ҰОК-нің қолдауымен жүзеге асқан кампанияның аясында, Toyota елді жеңіске жеткізу үшін барын салып жүрген спортшылардың жетістікке жету оқиғаларымен бөліседі.

"Олар – елдің мақтанышы және Қазақстан халқының рухының көрінісі. Сондықтан Қазақстанның мемлекеттік туын көкке көтеру үшін халықаралық жарыстарда ел намысын қорғап жүрген олимпиадалық спортшыларды қолдау мүмкіндігіне ие болу – біз үшін үлкен құрмет. Біз Ұлттық Олимпиада Комитетіне өз автокөліктерімізді қуана ұсынамыз және оларды Пхенчханда өтетін қысқы ойындардың қарсаңында беретінімізге ерекше қуаныштымыз – бұл біздің Қазақстандағы олимпиадалық қозғалысты дамытуға қосқан үлесіміз және қолдауымыз", – деп атап өтті "Тойота Мотор Қазақстанның" президенті Кит Мэтью Симмонс мырза.

Ол сонымен қатар, Toyota-ның қазақстандықтардың ең сүйікті бренді екендігін және компания үшін бұл сүйіспеншіліктің екі жақты екендігін жеткізудің маңызды екендігін айтты.

Компания басшысының айтуынша, Toyota өз тарихында статус-квоға қарсы шығып, мүмкін еместі мүмкін еткен. Сондықтан Toyota мен олимпиада спортшыларының ортақ құндылығы бар. Ол – үздіксіз жетілу, командада жұмыс істеу және өр мақсат қойып, соған жетуге талпыну.