Инновации и развитие | Toyota в Казахстане

17 қазан күні Алматыда компанияның Қосалқы бөлшектер мен керек-жарақтар дистрибуциясы орталығының, сондай-ақ Toyota Академиясы атты қызметкерлерді оқытуға арналған бірегей орталықтың ресми ашылу салтанаты өтті.

Ашылу салтанатына «Тойота Мотор Еуропа» президенті Йошихиро Накатамен қоса, Toyota компаниясының негізгі өкілдері қатысты.

Ресми салтанат барысында Наката мырза: «Бұл шара Қазақстан мен Қырғызстандағы Toyota үшін ғана емес, біздің анағұрлым ауқымды еуропалық бөлімшеміз үшін де маңызды, себебі осы өңір әрқашан қызметіміздің маңызды бөлігі болып қала береді. Toyota болашақта да Қазақстанның, Қырғызстанның, сондай-ақ Орталық Азия аумақтарының автокөлік нарықтарын дамытуға бар күш-жігерін салуды жалғастырады. Бүгінгі таңда оның екі мысалын көре аласыз: қойма операцияларымен байланысты инфрақұрылымның дамуына инвестиция құю және қызметкерлеріміз бен өңірдегі дилерлік желінің жұмыскерлерін үнемі оқыту және дамыту», – деп атап өтті.

Бүгінгі шараның құрметті қонақтарының арасында Жапонияның Қазақстандағы Төтенше және Өкілетті Елшісі Джун Ямада мырза да болды. Toyota бренді үшін стратегиялық тұрғыдан маңызды осындай нысандардың ашылуы – жапондық озық технологиялар мен оқыту әдістерін енгізу арқылы Қазақстандағы әл-ауқатты арттыруға бағытталған, екі мәдениеттің, яғни Жапония мен Қазақстанның арасындағы сенім мен бірлескен жұмыстың нышаны.

Дистрибуция орталығы – жаңа деңгейдегі жылдамдық пен дәлдік

Қосалқы бөлшектер мен керек-жарақтар дистрибуциясы орталығы жай ғана қойма емес. Ол – алдыңғы қатарлы технологиялар мен автоматтандыру жүйесінің көмегімен тапсырыстар теңдессіз жылдамдықпен және дәлдікпен өңделетін логистикалық жүйенің жүрегі. Автоматты өңдеудің инновациялық жүйелері, оның ішінде «order pickers» және ең үлкен сұранысқа ие қосалқы бөлшектерді сақтауға арналған мамандандырылған «алтын аймақ» дилерлік орталықтарға және, тиісінше, клиенттерге өздерінің тапсырыстарын бір күнге ертерек алуға мүмкіндік береді. Дилерлік желі бөлшектерді кешігіп жеткізу және зақымдау қаупін барынша азайтатын Toyota-ның «Just in Time» қағидасына сай қызмет атқарады.

Ауданы 10 370 шаршы метр, адамдар мен техника 100 % бөлінген орталық қауіпсіз әрі тиімді жұмыс жағдайларын қамтамасыз етеді. Қазірдің өзінде қойма операцияларының тиімділігі 23 %-ға ұлғайды және Toyota осы көрсеткішті жылдың аяғына дейін 30 %-ға дейін жеткізуді көздеп отыр.

Адамдар мен қоршаған ортаға қамқор болу – тұрақты өсу стратегиясы

Toyota компаниясы әрқашан автокөлік бренді ғана емес, адамдар мен қоршаған ортаға қамқор болуды бірінші орынға қоятын ұйым ретінде көзге түсіп келеді. Toyota Дистрибуция орталығында жарықтандыру үшін күн панельдерін қолдану секілді экологиялық таза технологияларды белсене енгізуде. Бұл шаралар көміртек шығарындыларын азайтып қана қоймай, тұрақты даму идеяларын ілгерілетуге көмектеседі.

Оған қоса, Toyota инклюзивті жұмыс ортасын құруға ұмтылады. Қызметкерлердің арасындағы әйелдердің үлесі 30 %-ға дейін артты, бұл компанияның адамдардың теңдігін қамтамасыз ету және бәріне мүмкіндік беру қағидасын ұстанатынын көрсетеді. Бұл қадамдар әр тұлға өз әлеуетін жүзеге асыра алатын және өз кәсібін шыңдай алатын ортаның қалыптасуына ықпал етеді.

Toyota Академиясы өз өңірлерінің тұрақты дамуына қомақты үлес қоса алатын жаңа буын мамандарын даярлайды. Қызметкерлерді оқытуға және дамытуға инвестиция құю – тек мансаптық өсуді ғана емес, сондай-ақ өзінің де қатысы бар қауымдастықтың дамуына жағдай жасайтын, компанияның ортақ болашаққа қосқан үлесі.

Ұзақ мерзімді перспективалар: аймақтағы және одан тыс жерлердегі көшбасшылық

«Тойота Мотор Қазақстан» президенті Джон Томсон: «Қазіргі таңда бірден екі жаңа нысанның ашылуы Қазақстанда және Қырғызстанда Toyota қызметін дамытуға деген ұмтылысымызды айқын көрсетеді. Қосалқы бөлшектерге арналған жаңа Дистрибуция орталығы өңірдегі қойма операцияларын жаңа деңгейге шығаруды жоспарлай отырып, Қазақстандағы және Еуропадағы Toyota жетекші мамандарының қолдауымен жобаланып, салынды.

Өз кезегінде, Toyota Академиясының басты мақсаты – Toyota мүшелерінің кәсіби және көшбасшылық біліктілігін үздіксіз арттыратын толық циклді білім беру бағдарламаларын ұсына алатын Toyota-ның Орта Азиялық білім орталығы болу, бұл, өз кезегінде, біздің клиенттерімізге брендпен өзара әрекеттесу кезінде әрбір кезеңде үздік тәжірибе алуға септігін тигізеді», – деп атап өтті.

Қазақстанда Дистрибуция орталығы мен Академияның ашылуы – инфрақұрылымға салынған жай ғана инвестиция емес, Toyota компаниясының жоғары қызмет деңгейін қамтамасыз етуге және саланы дамыту үшін жаңа шешімдерді енгізуге бағытталған стратегиялық қадамы.

Оған қоса, Дистрибуция орталығы көрші елдердегі серіктестер мен клиенттерге Toyota-да енгізілетін озық технологиялар мен процестермен танысуға мүмкіндік беретін тәжірибе алмасу ресурсына айналады.

Сондай-ақ Toyota тәжірибе алмасу және жергілікті білім беру құрылымдарының үздік тәжірибелерін біріктіру арқылы Академияның білім беру бағдарламаларын белсенді түрде кеңейтуге ниетті. Бұл Орталық Азияға жақын орналасқан елдердің кәсіпқой мамандарына да біліктілік деңгейін арттыруға мүмкіндік туғызады. Олар бұл Академияда өздерінің кәсіби дағдыларын дамытуға көмектесетін жаңа білім мен тәжірибе ала алады.

2024 жылғы 17 қазанда Toyota Қазақстанда өз тарихының жаңа бетін ашады. Академия және Дистрибуция орталығы екі жаңа нысан ғана емес. Бұл компанияның өршіл мақсатының, сонымен қатар қызметкерлерге, серіктестерге және клиенттерге үздік жағдайлар мен жаңа мүмкіндіктер ұсыну, инновацияларға инвестиция салу арқылы аймақты, елді және қауымдастықтарды дамытуға күш салуға дайын екенінің нышаны.

Toyota Kazakhstan туралы

«Тойота Мотор Қазақстан» ЖШС – «Тойота Мотор Еуропаның» еншілес компаниясы. Компания 2008 жылдың 20 мамырында Алматы қаласында құрылып, өз қызметін 2009 жылдың 1 қаңтарында бастады. Компания президенті – Джон Эндрю Томсон мырза. Toyota және Lexus брендтерінің ресми дистрибьюторы бола отырып, «Тойота Мотор Қазақстан» ЖШС автокөліктерді, түпнұсқалық қосалқы бөлшектер мен керек-жарақтарды көтерме сату және жеткізу, оларға кепілдік беру қызметімен айналысады, сондай-ақ Қазақстан мен Қырғызстан аймағында бренд маркетингісіне жауап береді.