Арманыңыздың тізгінін ұстаңыз: қазақстандық Амир Мұхтар Жапонияда өткен «Toyota арман көлік» халықаралық байқауында бірінші орынды иеленді.

«Toyota арман көлік» балалар суреті байқауын өткізу бастамасын 2004 жылы штаб-пәтері Жапонияда орналасқан Toyota корпорациясы көтерді. 2020 жылы Toyota Kazakhstan осы шараға алғаш рет қосылып, Қазақстан мен Қырғызстан балалары арасында республикалық байқау өткізе бастады. Амир Мұхтар байқаудың бүкіл 20 жылдық тарихында «Toyota арман көлік» әлемдік кезеңінде Қазақстаннан шыққан алғашқы жеңімпаз атанды.

Амир бес жаста, ата-анасымен және бауырларымен бірге Талғар қаласында тұрады. Дәл осы қала атынан жас суретші Toyota ұйымдастырған «Арман көлік-2022» байқауының ұлттық, қазақстандық, сатысында өнер көрсетті. Байқау шарттары бойынша жас дарындар, 15 жасқа дейінгі балалар, адам өмірін жеңілдететін ерекше, бірақ пайдалы функцияға ие арман көлікті немесе болашақ көлігін бейнелеуі тиіс болатын. Амир Мұхтар акварель бояумен салып, 7 жасқа дейінгі жас санатында ұсынған суретіне байқаумен үндес «Арман көлік» деген айдар тағып, байқау нәтижелері бойынша өз тобында үздік үштікке кірді. Кейін балақайдың жұмысы байқаудың әлемдік кезеңіне Жапонияға жол тартып, жеңісті қанжығасына байлады.

Toyota Kazakhstan Президенті Джон Томсон жас суретшінің жеңісінің маңыздылығын атап өтті: «Рахмет, Амир. Біз сенің шығармашылығыңды, әлем деген бірегей көзқарасыңды, қиялыңды жоғары бағалаймыз және осы жетістігіңді мақтан тұтамыз. Қазақстанда «Арман көлік» байқауы өткізіліп келе жатқан үш жыл ішінде біздің финалистердің бірі алғаш рет халықаралық деңгейде жеңіске жетіп қана қоймай, өз жас санатында басты жүлдені иеленді. Бұл басқа да көптеген жетістіктердің бастамасы ғана деп үміттенеміз».

Жапонияда 780 мыңнан астам суретті автожурналистер, бейнелеу өнерінің мамандары және Toyota өкілдері мүше болған көпсалалы тәуелсіз қазылар алқасы бағалады. Бағалау барысында халықаралық қазылар алқасы суреттің көркемдік құндылығын таразылап қана қоймай, автордың өз идеяларын ешкімнің айтуынсыз жеткізгенін және баланың сурет салудан шынайы ләззат алғанын ескерді. Төрелік төрт жыл ішінде алғаш рет Fuji Speedway қонақ үйінде офлайн режимде өтті.

Нанотехнологиялар, қарттарға күтім жасау, COVID19, соғыс, қоршаған ортаны талқандау – міне, жас суретшілер өз суреттерінде бейнелеген ғаламдық мәселелердің біразы ғана осылар.

Қазылар алқасы Амирдің жұмысына былайша пікір білдірді: «Шағын автобус ретінде сипатталған тұжырымнан (осы тұс қазылар алқасына ерік езу тартқызды) бұл шығарманы автордың өзі ойластырып, өзі салғаны түсінікті болды. Сурет жарқын, жайдары, бірқатар ақиқатты жеткізеді, көрерменнің қиялына ерік беріп, әлемге бес жасар суретшінің көзімен қарауға мүмкіндік береді. Бұл жерде бейнеленген тауларды да айта кету керек, олар да – керемет».

Марапаттау рәсімі Toyota компаниясының алматылық кеңсесінде өтті, Амир отбасымен, жақындарымен және достарымен қонақ болды. Лауреаттың ата-анасы да бұл жеңістің өздері үшін өте жағымды тосын сый болғанын және ұлдарының жетістігін шексіз мақтан тұтатынын атап өтті.

Биыл «Toyota Dream Car Art Contest» байқауы он алтыншы рет өткізілді. Осы шығармашылық байқауды компания 2004 жылы әлемдегі балаларға көбірек қуаныш сыйлап, армандай білудің ерекше маңызды екенін еске салу мақсатында ойластырған болатын.