- Жаңа Toyota Land Cruiser Prado — сенімділік пен ең қатаң пайдалану жағдайларына шыдай алу қабілетін сақтаған дәстүрлі сапаның, сенімділіктің және беріктіктің шынайы нышаны.
- Жолда және жолсыз жерде жүретін тамаша қасиеттері — бұл аңызға айналған Land Cruiser тегінің озық технологиялармен мінсіз үйлесімінің нәтижесі.
- Жаңа рамалы GA-F платформасы — технологиядағы революциялық жарылыс. Ол шанақ пен раманың қаттылығы едәуір артқанына, автокөліктің жүргізуші пәрмендеріне беретін жауабы, жүріс сипаттамасы мен басқарылуы жетілдірілгеніне кепілдік береді.
- Алғаш рет Land Cruiser Prado рульдің электр күшейткішімен және алдыңғы белсенді көлденең тұрақтылық сақтағышымен жабдықталған.
- Отын үнемділігінің және қуатының оңтайлы теңгерімімен ерекшеленетін үш күштік агрегатты таңдауға болады.
Мүлдем жаңа Toyota Land Cruiser Prado моделінің әлемдік премьерасы: Шыққан тегіне оралу
Бүгінгі таңда Toyota компаниясы Land Cruiser атауын 70 жылдан астам уақыт ішінде беріктік пен сенімділіктің нышанына айналдырған бүкіл дәстүрлі құндылықтардың шынайы келбеті болған мүлдем жаңа Land Cruiser Prado моделін зор мақтанышпен ұсынады.
Land Cruiser моделінің әйгілі тегі жаңа технологиялармен толықтырылды, ол жолсыз жерде де, күнделікті пайдалану жағдайында да жүріс сипаттамаларын әлдеқайда жетілдіре түсті. Нәтижесінде ең қатал жағдайлардың өзінде межелі жеріңізге қауіпсіз әрі сенімді жетуіңізге кепілдік беретін сенімді автокөлік ретінде Land Cruiser моделінің әлемдік беделін нығайта түсті.
Мақтан тұтуға лайықты мұра
Land Cruiser 72 жыл бұрын — 1951 жылдың 01 тамызында — Toyota BJ атауымен шықты. Біраз уақыт өткен соң, бұл модель Фудзи тауының бөктеріндегі алтыншы станцияға дейін жете алған алғашқы автокөлікке айналып, өзінің керемет сапасы мен мүмкіндіктерін растап шықты.
Сол кезден бері Toyota мамандары Land Cruiser моделін әзірлегенде автокөлік өз иесін кез келген жерге қандай қатаң жағдай болмасын, толық қауіпсіз жеткізе алатындай болуын көздейді. Беріктікті, сенімділікті және жол талғамайтын сипаттамаларын арттыру тұрғысынан Land Cruiser моделінің тұрақты әрі елеулі дамуы автокөлікті бүкіл әлем бойынша әртүрлі жағдайларда пайдаланатын қолданушылардың пікірлеріне байланысты болды.
Сондықтан осындай бүкіл әлемге танымалдығының арқасында бұл модель Toyota компаниясының ең көп сатылатын моделіне айналып отыр: қазіргі сәтте * әлемнің 170-тен астам елінде және өңірлерінде 11,3 миллион автокөлік сатылған.
* Бұл деректер 2023 жылдың маусым айындағы жағдай бойынша алынған.
Жаңа GA-F платформасының арқасында жетілдірілген дәстүрлі құндылықтар
Жаңа Land Cruiser Prado классикалық берік рамалы конструкциясын сақтап қалды. Land Cruiser 300 сияқты, ол да жол талғамайтын қасиеттерін елеулі арттыруда маңызды рөл атқаратын Toyota GA-F платформасының негізінде жасалған.
Сонымен бірге жаңа модель жеңіл маневр жасап, жолда аса жайлы жүрісті қамтамасыз етеді, бұл Toyota компаниясының күнделікті пайдалануға арналған тиімді әрі жайлы автокөліктерін жасау мақсатына толықтай сай келеді.
Жаңа модельдің рамасы 50 % беріктене түсті, ал шанақ пен раманың жалпы қаттылығын 30 %-ға арттыру мүмкін болды. Осының арқасында автокөліктің өз иесінің пәрмендеріне жауап беруі, басқарылуы және жүріс жайлылығы біршама жақсарған. Оған қоса, әзірлеушілер аспаның сипаттамаларын арттырды, осының арқасында жолсыз жерде жүру кезінде аса маңызды рөл атқаратын дөңгелектердің жүрісі ұлғайды.
Рульдің жаңа электркүшейткіші
Алғаш рет Land Cruiser Prado моделіне рульдің электркүшейткіші (EPS) орнатылды. Ол ойлы-қырлы жермен жүргенде туындайтын кері күшті азайтады, сондай-ақ кез келген жылдамдықта рульдің аса жайлы, жанама түрдегі әрі жеңіл басқарылуына кепілдік береді. EPS жүйесінің арқасында жаңа Land Cruiser моделі Toyota Safety Sense жүргізушіге қауіпсіздікті қамтамасыз ететін әрі көмектесетін жүйелер кешенінің құрамына кіретін Lane Tracing Assist жол қатарын бақылау жүйесімен толықты.
Белсенді алдыңғы көлденең тұрақтылық сақтағышы — Toyota компаниясының жаңа өнімі
Жаңа Land Cruiser Prado-ның жол талғамайтын қасиеттері жаңа белсенді алдыңғы көлденең тұрақтылық сақтағышының арқасында артты. SDM жүйесін (Stabiliser with Disconnection Mechanism, аудармасының мағынасы – «ағыту механизмі бар сақтағыш») Toyota компаниясы алғаш рет пайдаланды. Енді жүргізуші көлденең тұрақтылық сақтағышының күйін аспаптар тақтасындағы ажыратқыш арқылы өзгерте алады. Ағытылған сақтағыш алдыңғы дөңгелектер жүрісін ұлғайтады, нәтижесінде ойлы-қырлы жерлермен жүру сапасы жақсарады, ал сақтағыш қосылғанда кәдімгі жолдағы жайлылық пен басқару сипаттамасы артады.
Жетілдірілген Multi-Terrain Monitor және Multi-Terrain Select жүйелері жолсыз жермен жүруді қосымша жеңілдетеді. Multi-Terrain Monitor жүйесі ажыратымдылығы жоғары камераны пайдаланып, ажыратымдылығы жоғары дисплейге автокөлік айналасындағы және астындағы кеңістіктің тұнық суретін шығарады, ал Multi-Terrain Select жүйесі автокөлік параметрлерін автоматты түрде жолсыз жермен жүру жағдайына икемдейді.
Жаңа күштік агрегаттар
Күштік агрегаттар желісі Toyota компаниясының осы модель арқылы клиенттердің сүйікті өмір салтына қомақты үлес қосу, Land Cruiser Prado беделін кез келген жолмен және жолсыз жермен жүруге арналған сенімді автокөлік ретіндегі мақсатын айшықтап тұр.
Қазақстанда жаңа Land Cruiser Prado күш қондырғыларының бірнеше нұсқасымен ұсынылады. Олардың бірі: мүлдем жаңа 2,4 литрлік, 279 а.к. қуаты бар күштік агрегат. Бұл қозғалтқыш 8 сатылы автомат беріліс қорабымен ден үйлеседі және аса қуатты әрі динамикалық жүрісті қамтамасыз етіп, тыныш жұмысымен және жақсартылған экологиялық көрсеткіштерімен ерекшеленеді. Мұндай күштік агрегаты бар автокөлік 2,5 тоннаға дейінгі салмағы бар тіркемені сүйрей алады.
Сонымен бірге базалық үнемді нұсқа да қолжетімді – қуатты 163 а.к. дейін жеткізетін және 1,5 тоннаға дейінгі салмағы бар тіркемені сүйреуге қауқарлы 2,7 литрлік бензиндік қозғалтқыш.
Кейінірек Қазақстан нарығында осы санаттағы автокөліктер үшін мүлдем жаңа гибрид күш қондырғысы бар жинақтама қолжетімді болады, ол жоғарыда аталған 2,4 л бензиндік қозғалтқыштан, 8 сатылы автомат трансмиссиядан және толық жетектен тұрады.
Дизайн: дәстүрлі құндылықтар мен заманауи үдерістердің мінсіз үйлесімі
Әзірлеушілер дәстүрлі әрі заманауи шешімдерді біріктіріп, автокөліктің кез келген қиындықтарды еңсеру қабілетін айқындайтын уақыттан тыс келбетін жасады. Одан басқа, автокөлік дизайны әдетте керемет агрегаттарға тән болатын функционалдық сұлулық пен қуатты айқын көрсетеді.
Жаңа Land Cruiser Prado моделінің сесті келбеті шыққан тегіне оралу идеясын, сондай-ақ автокөліктің айрықша тиімділігі мен сыртқы түрінің мақсатқа сәйкестік принципін көрсетеді. Жолсыз жермен сенімді жүруге қысқартылған шығу/түсу бұрыштары, ойластырылған пішін бұрыштары және шанақтың тарылған төменгі бөлігі мүмкіндік береді.
Қырынан қарағанда Land Cruiser моделінің классикалық пішіні айқын көрінетін көлденең сызықтарынан бірден танылады. Автокөліктің габариттік ұзындығы — 4920 мм, ені — 1665 мм, биіктігі — 1870 мм, ал дөңгелек базасының ұзындығы — 2850 мм.
Салонның 5 немесе 7 орынды нұсқасы ұсынылады, ал оның дизайнын нағыз жол талғамайтын көліктің сирек кездесетін беріктігі мен функционалдығы айқындай түседі. Мысал ретінде аспаптар тақтасының көлденең жинақталымын және күрделі жолсыз жермен жүргенде пайдалану ыңғайлы болатын ажыратқыштарды келтіруге болады.
Салонды әзірлеу барысында жүргізуші үшін айнала шолу көрінісіне басымдық берілген, ол үшін алдыңғы әйнек алдындағы желдету қабының орны төмендетілген, аспаптар тақтасы көлденең жинақталған және бел сызығы төмендетілген, осының арқасында бүйірлік әйнек орналасатын аймақ ұлғайған.
Жетілдірілген қауіпсіздік жүйелері
Жаңа Land Cruiser ең соңғы үлгідегі Toyota Safety Sense қауіпсіздік жүйелерінің кешенімен жабдықталады. Оған жүргізушіден автокөлікті басқару кезіндегі жүктеменің бір бөлігін өзіне алатын озық жүйелер мен технологиялар кіреді.
Бетпе-бет соқтығысу қаупі туралы ескертетін жетілдірілген жүйе (PCS)
Бұл жүйе солға/оңға бұрылу кезіндегі және кептелісте жүру кезіндегі сияқты көп ықтимал ЖКО-ның алдын алуға мүмкіндік береді. Сонымен бірге ол жол торабында бұрылған кезде, келе жатқан көлікпен немесе жолды кесіп өтетін жаяу жүргіншілермен соқтығысу қаупін ажырата алады.
Алдыңғы көлікке дейінгі қауіпсіз қашықтықты сақтау және бұрылыстарда жылдамдықты автоматты түрде төмендету (DRCC) функциясы бар круиз-контроль
Алда тұрған көліктерді анықтау және тиісті қашықтықты сақтау үшін бұл жүйе миллиметрлік радиолокациялық сенсор мен камераны пайдаланады. Бұрылыстардан өткен кезде, жүйе алдағы көлік құралдарын тез анықтайды және жолдың белгілеу сызықтарын кесіп өту туралы хабарлау жүйесімен (Lane Trace Assist) бірге автокөлікті дұрысырақ траекториямен бағыттайды. Сонымен қатар круиздік бақылау көрші жолақта баяу қозғалатын көлікпен соқтығысуға жол бермейді.
Автокөлікті жолақ ортасында ұстау функциясы бар жолдың белгі сызығын байқаусызда кесіп өту туралы хабарлау жүйесі (LTA)
LTA жүйесі Land Cruiser Prado көлігін жол қатарының ортасында ұстауға көмектеседі, «жолақты табиғи қадағалау» функциясын пайдаланады, сондай-ақ бұрылыстардан өткенде көмектеседі.
Шалғай жарықты автоматты түрде басқару жүйесі
Түнгі уақытта жүргенде шалғай жарықты автоматты түрде басқару жүйесі қарсы келе жатқан автокөліктерді анықтап, шалғай жарықты таяу жарыққа автоматты түрде ауыстырып қосады. Нәтижесінде басқа жүргізушілердің көзін қарықтырмай, жол жағдайын аса қырағы бақылай алатын боласыз.
Шалғай жарықты бейімдеп басқару жүйесі (AHS)
Шалғай жарықты бейімдеп басқаратын инновациялық жүйе (AHS) жүргізушіге, әдеттегі жарықдиодты фаралармен салыстырғанда, кеңірек шолу мүмкіндігін қамтамасыз етеді. Мұқият жүргізілген тест жүйенің жаяу жүргіншілерді және жол белгілерін алыс қашықтықтан қарсы бағыттағы көлік жүргізушілерінің көзін қарықтырмай анықтауға мүмкіндік беретінін көрсетті.
Мүлдем жаңа Land Cruiser Prado Қазақстан нарығында 2024 жылы қолжетімді болады. Жаңа буынның келгені туралы жаңалықтарды біздің әлеуметтік желімізден @officialtoyotakz бақылап отырыңыз.