1. Company
  2. News, Stories and Events
  3. Green month
Байланысу
Байланысу

Toyota 2020 Жасыл Ай: қала климатын сауықтырайық

Брендтің көптеген акциясы экологияны қорғауға, қала климатын сауықтыруға бағытталған. Toyota Motor Corporation қоршаған ортаны қорғау саласындағы саясатты қабылдаған алғашқы жаһандық компаниялардың бірі болды — Toyota Kazakhstan қалыптасқан дәстүрді жалғастырып жатыр.

Жыл сайын «Toyota Жасыл Ай» экологиялық акциясы өтеді — компания қызметкерлері Toyota және Lexus дилер орталықтарындағы әріптестерімен бірлесе отырып, қала экожүйесін жақсарту мақсатында ағаш отырғызады. Қатысушылар бұл процеске зор жауапкершілікпен қарайды, туған қаласына деген сүйіспеншілік, ортақ іске өз үлесін қосуға деген ұмтылыс — бұл команданы да ынталандырады.

2018 жылы Шығыс айналма автомобиль жолы бойын 80 үйеңкі ағашы көркейтті. 2019 жылы «Тойота Мотор Қазақстан» және Алматы ДО қызметкерлері Halyk Arena спорт кешенінің аумағына 75 қайың отырғызды. Биыл Атакент аумағына үйеңкі ағаштары отырғызылды — 30 жас үйеңкі оңтүстік астана тұрғындары мен қонақтарын қуантып, жайқалып өседі. Қазақстандық өзге де дилер орталықтарының қызметкерлері мен Қырғыз Республикасындағы әріптестеріміз де дәстүрлі түрде ағаш отырғызу мен сенбіліктер ұйымдастырып, өздері «Toyota Жасыл Ай» өткізіп отырады.

Ағаштар — жердің тынысы, 150, 300, 400 жыл өмір сүре отырып, ауаны тазартуға көмектеседі. Шырша, қайың, үйеңкі ағаштары қала тұрғындарының денсаулығына пайдалы — оларды бүгін отырғызсақ, әрқайсымыз болашаққа қамқорлық жасаймыз.

• «Toyota Жасыл Ай» Toyota Motor Corporation-ның БҰҰ Бас Ассамблеясы 1972 жылы жариялаған Дүниежүзілік қоршаған орта күнін атап өту идеясымен ынтымақтастығын білдірудің жаһандық акциясына айналды. Компания 1973 жылдан бастап экологиялық құндылықтарды дәріптеп, қоршаған ортаны қорғауға бағытталған шаралармен айналысады.