Компанияның экологиялық акциялары қоршаған ортаны сақтауға және қалалық климатты сауықтыруға бағытталған. Жыл сайынғы науқан аясында «Тойота Мотор Қазақстан» қызметкерлері алматылық Toyota және Lexus дилерлік орталықтарының қызметкерлерімен бірге Halyk Arena спорт кешенінде ағаш отырғызды.
«Toyota жасыл айы» 1972 жылы БҰҰ Бас Ассамблеясы жариялаған Дүниежүзілік қоршаған орта күнін мерекелеу идеясымен Toyota Motor Corporation ынтымақтастық білдіруінің жаһандық акциясы болды. 1973 жылдан бастап компания әлемдік жұртшылықтың экологиялық іс-шаралардың маңыздылығы туралы хабардар болуын арттырады және қоршаған ортаны қорғауға бағытталған нақты іс-қимылдарды жүзеге асырады.
«Toyota жасыл айы» науқаны аясында Halyk Arena аумағында ағаш отырғызу
2017 жылы компания қызметкерлері алматылық Toyota және Lexus дилерлік орталықтарының қызметкерлерімен бірлесе отырып, Медеу шатқалының экожүйесіне шипалы 50 тянь-шань шыршасын егіп, ауқымды сенбілік өткізді. Өткен жылы 80 үйеңкі Шығыс айналма жол бойындағы кесіндіні безендірді. Биыл — қызметкерлер Алматы Halyk Arena спорт кешенінің аумағында 75 қайың отырғызды.
«Toyota 2019 жасыл айы» акциясына 150-ден астам адам қатысты. Туған қалаға және табиғатқа деген махаббат, қоршаған ортаға қамқорлық жасау және үлкен ортақ іске өз үлесін қосуға ниет білдіру — дәл осы әріптестерді экологиялық науқанға қатысуына ынталандырады.
Ағаштар — біздің планетамыздың өкпесі. Қайың 150-ге дейін, сирек — 300 жасқа дейін өмір сүреді. Ал шыршаның орташа өмір сүру ұзақтығы — 100-150 жыл. Әрбір осындай ағаш — шырша, қайың, үйеңкі — ауаны тазартуға көмектесіп, қала тұрғындарының денсаулығына оң әсер береді. Оларды отырғыза отырып, Toyota компаниясының қызметкерлері болашақта алматылықтар мен қала қонақтары ағаштардың әдемілігіне рахаттанып, таза ауамен дем алғанын қалайды.
«Тойота Мотор Қазақстан» және Toyota және Lexus алматылық дилерлері кезекті рет әлеуметтік жауапкершілік пен қоршаған ортаны жақсарту үшін ұмтылысты көрсетті. Климатты сауықтыруға өз үлесін қосқыңыз келеді ме? Осы жыл сайынғы акцияға қосылыңыз.
