Байланысу

БІЗ БӘРІ ЖАҚСЫ БОЛАТЫНЫНА СЕНЕМІЗ. ӨЗІҢІЗГЕ АБАЙ БОЛЫҢЫЗ!

«ТОЙОТА МОТОР ҚАЗАҚСТАН» ЖШС-НІҢ COVID-19 ВИРУСЫНЫҢ ТАРАЛУЫ САЛДАРЫНАН ТӨТЕНШЕ ЖАҒДАЙ РЕЖИМІН ЕНГІЗУГЕ БАЙЛАНЫСТЫ БАРЛЫҚ ӨЗЕКТІ ЖАҢАЛЫҚТАРЫ

ТӨТЕНШЕ ЖАҒДАЙ РЕЖИМІ ЕНГІЗІЛУІНЕ БАЙЛАНЫСТЫ TOYOTA ДИЛЕРЛІК ОРТАЛЫҚТАРЫНЫҢ ЖҰМЫС РЕЖИМІ

Құрметті Клиенттер,

Toyota брендін таңдап, сенім артқандарыңыз үшін шын жүректен алғыс білдіреміз.

Toyota ресми дилерлік орталықтарының жұмыс режиміне қатысты кейбір өзгерістер туралы хабарлаймыз.

Елдегі төтенше жағдай жариялануына және 2020 жылғы 26 наурызда күшіне енген түзетулерге байланысты кейбір автосалондардың, сондай-ақ сервистік орталықтардың жұмыс кестесі өзгертілді.

Сондай-ақ, ҚР Президенті төтенше жағдай режимін қамтамасыз ету жөніндегі мемлекеттік комиссияның коронавирустық инфекцияның (COVID-19) таралуын шектеу мақсатында меншік нысанына қарамастан барлық кәсіпорындар мен ұйымдардың қызметін 30 наурыздан 30 сәуірге дейін тоқтата тұру туралы шешіміне сәйкес, сондай-ақ осы шешім шеңберінде қабылданған әкімдіктердің жергілікті актілеріне сәйкес Toyota дилерлік және сервистік орталықтарының қызметі мына қалаларда уақытша тоқтатылды: Алматы, Атырау, Орал, Ақсай, Қызылорда, Қарағанды, Өскемен, Ақтау, Шымкент, Ақтөбе, Павлодар.

Орталықтардың қызметін тоқтата тұру мерзімі әкімдіктердің үкімдеріне сәйкес белгіленген. Осы кезеңде қоғамдық қауіпсіздікті қамтамасыз ету мақсатында дилерлік және сервистік орталықтар автомобильдерді және қосалқы бөлшектерді сатуды, автомобильдерді жөндеу мен қызмет көрсетуді қоса алғанда, сервистік жұмысты тоқтатады. Дегенмен, дилерлер Онлайн чат немесе телефон арқылы кеңес беруді жалғастырады.

Жоғарыда көрсетілген қалалардағы орталықтардың қызметі тиісті қалалардың әкімдіктерінен, сондай-ақ Қазақстан Республикасының басқа да уәкілетті мемлекеттік органдарынан ресми рұқсат алған сәттен бастап әдеттегі режимге қайта оралады. Басқа қалалардағы дилерлік орталықтардың жұмыс тәртібі мен қызметі туралы толық ақпарат алу үшін аймағыңыздағы Toyota ресми дилерлерінің біріне хабарласуларыңызды сұраймыз.

Сіздерге қолайлы болу үшін байланыс орталығы да жұмыс істейді. Онлайн чат арқылы немесе біздің сайтта алдын ала онлайн өтінім негізінде телефон арқылы өнімдеріміз бен қызметтер бойынша толық кеңес беруге дайын.

Бізге түсіністікпен қарайсыздар деп үміттенеміз және жақын арада дилерлік орталықтарымызда қайта қауышатынымызға сенеміз.

 

ТӨТЕНШЕ ЖАҒДАЙ РЕЖИМІ ЕНГІЗІЛУІНЕ БАЙЛАНЫСТЫ СҰРАҚТАР МЕН ЖАУАПТАР

Toyota компаниясы үшін қызметкерлердің, серіктестер мен клиенттердің қауіпсіздігі басты орында. Сондықтан біз барлық дилерлерге Қазақстан Республикасы Президентінің және өңірлік биліктің Жарлығын орындауды ұсындық. Еліміздің кейбір қалаларында карантиндік шараларды күшейтіп, төтенше жағдай жариялауына байланысты дилерлік орталықтардың қызметі уақытша тоқтатылды, бірақ олардың көпшілігі онлайн қызмет көрсетеді. Әдеттегі режимде жұмыс істейтін орталықтар шоурум қызметінің толық спектрін ұсынады, қызмет алу қолжетімді. Барлық санитарлық шаралар қатаң сақталады. Толық ақпарат алу үшін қалаңыздағы дилерге хабарласыңыз немесе біздің сайтта онлайн-өтінім қалдырыңыз.

Бұл келісімде көрсетілген шарттарға байланысты. Тапсырыс беру / жеткізу шарты жасалған дилерге хабарласыңыз немесе біздің сайтта онлайн-өтінім қалдырыңыз.

Бірінші кезекте, қалаңыздағы дилерден оның жұмыс кестесін нақтылау қажет. Егер дилер ашық болса және қоймасында автомобильдер қолжетімді болса, сатып алуға болады. Егер жабық болса, онда дилерлер онлайн қызмет көрсетеді, соның ішінде ТЖ кезінде дилерден автокөлікті сатып алу / броньдау мүмкіндігі бар. Карантин режимі аяқталған соң (немесе карантиндік шаралар жеңілдетілген кезде) және дилерлік орталық ашылғанда автокөлігіңізді алып кете аласыз. Толық ақпарат алу үшін қалаңыздағы дилерге хабарласыңыз немесе біздің сайтта онлайн-өтінім қалдырыңыз.

Автомобильді жеткізіп беруге тапсырыс / шарт жасалған дилерге хабарласыңыз. ТЖ кезінде ел ішінде жүк көлігінің қозғалысын уақытша шектеуге байланысты жаңа автомобильдерді жеткізу мерзімі ұлғайтылуы мүмкін екенін назарға алуды сұраймыз.

Сіз әлі де дилер арқылы автокөлікті онлайн сатып ала аласыз, бірақ бастапқы тіркеу процесін кейінге қалдыруға тура келеді, себебі Мамандандырылған ХҚКО жұмысы уақытша тоқтатылды. Бұл дилерден автокөлік сатып алып, есепке қойып үлгермеген көліктерге де қатысты. Жаңа автомобильдерді есепке алу мәселесін құзыретті органдар шешіп жатыр.

Toyota Қаржы / Toyota сақтандыру жаңа және бұрыннан қызмет алып келе жатқан клиенттерге қызмет көрсетуді стандартты режимде жалғастырады. Сұрақтар туындаған жағдайда қолдау қызметіне хабарласыңыз:

1) Toyota Финанс мобильдік қосымшасында Кері байланысқа тапсырыс беру. Ол үшін Сізге Бас мәзірге кіру керек - Кері байланыс - Кері байланысқа тапсырыс беру.

2) Немесе мына телефондарға қоңырау шалу: +7 (727) 244-45-45, +7 701 052 43 46, +7 701 081 32 99.
* Байланыс операторлары жұмыс күндері сағат 9:00-ден 18:00-ге дейін қызмет етеді

Егер ТЖ енгізілуіне байланысты қаржылық жағдайыңыз нашарласа, сіз төлемді кейінге қалдыруға өтінім бере аласыз:

- Toyota Финанс мобильдік қосымшасы арқылы. Ол үшін сізге Бас мәзірге кіру - Несиелік келісім-шарттар - Қайта құрылымдау - Мерзімін кейінге қалдыру – НҚ және сыйақыны төлеуді толық кейінге қалдыру - Мерзімі - Өтінім жіберу дегенге кіру керек.

- Қоңырау шалу: +7 (727) 244-45-45, +7 701 052 43 46, +7 701 081 32 99.

* Байланыс операторлары жұмыс күндері сағат 9:00-ден 18:00-ге дейін қызмет етеді

- SMS жолдау арқылы: +7 701 052 43 46. Қарыз алушының ЖСН мен шарт нөмірін міндетті түрде көрсетіңіз.

- Электрондық мекенжайға хабарлама жіберу care@kz.toyota-fs.com. Қарыз алушының ЖСН-ін, шарт нөмірін және байланыс үшін ұялы телефон нөмірін міндетті түрде көрсетіңіз.

Бұған жол бермеу үшін біз барлық шараларды жасап жатырмыз, алайда қазіргі жағдайда қосалқы бөлшектер дилер қоймаларына кешігіп жеткізілуі мүмкін. Жеткізу мерзімі ТЖ енгізілгенге дейін айтылған мерзімдерден өзгеше болуы мүмкін. Сіз қалаңыздағы дилерге хабарласып, қосалқы бөлшектердің бар/жоғын, жақын арада қашан жеткізілетіні жайлы ақпаратты анықтай аласыз.

Егер автомобильге техникалық қызмет көрсету уақыты келген болса, ал жақын жердегі дилер жұмыс істемесе, сіз жүріп өткен шақырым үстінен тағы 1000 км артық жүру мүмкіндігіңіз бар. Бұл ұсыныс тек карантин кезінде ғана жарамды. Егер қосымша 1000 км кейін тағы жол жүрсеңіз, онда сіз техникалық қызмет көрсетуді басқа жерден ала аласыз, бірақ бұл ретте, сервистік кітапшаңызға техникалық қызметтен өткені туралы белгіні міндетті түрде қою керек, атқарылған жұмыс және айырбасталған бөлшектерді растайтын құжаттарды сақтау қажет.

Егер сіздің сервистік келісімшартыңыз бойынша автомобильге қызмет көрсету қажеттігі туындаса, ал сервистік келісімшарт сатып алынған дилер жұмыс істемейтін болса, Сіз сервистік келісімшарт бойынша белгіленген жүріске қосымша 1000 км жүріп, дилер жұмысты қайта бастағаннан кейін оны пайдалана аласыз. Немесе сіз сервистік келісімшарт сатып алынған дилермен байланыса аласыз және дилердің қызметтері қолжетімсіз болған кезеңге мерзімді ұзартуды келісе аласыз. Бұл ереже қалаңыздағы төтенше режим кезінде ғана қолжетімді.

Егер автокөлігіңіздің кепілдік мерзімі әлі қолданыста болса, және автокөлігіңіз кепілді жөндеуді қажет етеді деп ойласаңыз, дилерге хабарласып, қандай жөндеу қажет екенін хабарлауыңыз керек, сондай-ақ автокөлігіңіздің жүрісін белгілеу қажет. Дилер төтенше жағдай кезінде немесе аяқталғаннан кейін және қажетті қосалқы бөлшектер түскен кезде сізге барлық қажетті жұмыстарды ұсына алады. Егер күрделі ақау анықталса, жағдай тым ушығып кетпес үшін дилер сізге автокөлікті пайдаланбай тұра тұруға ұсыныс білдіруі мүмкін. ТЖ жағдайға байланысты кепілдік жөндеу жүргізе алмайтын болса, кейінгі жүгінген кезде бұл дерек назарға алынатын болады. Толық ақпарат алу үшін қалаңыздағы дилерге хабарласыңыз немесе біздің сайтта онлайн-өтінімді қалдырыңыз.

Шұғыл жөндеу жүргізу мүмкіндігі туралы ақпарат алу үшін қалаңыздағы дилерге хабарласыңыз. Егер автокөлігіңіз бұзылып қалды деп есептесеңіз, жақын маңдағы дилерге хабарласып, айту қажет. Бұл ретте аты-жөніңізді, автокөлік моделіңізді, автомобильдің мемлекеттік тіркеу нөмірін, жүру көрсеткішін (км) хабарлау қажет. Дилер сізге автокөлікті пайдалануды шектей тұруды ұсынуы мүмкін. Дилер Сізге қызмет көрсету мүмкіндігі шеңберіндегі барлық қажетті жұмысты ұсына алады. Егер ТЖ кезінде дилердің қызметтері шектеулі болса немесе қолжетімсіз болса, дилер сізге карантин аяқталғаннан және қажетті қосалқы бөлшектер түскеннен кейін барлық қажетті жұмысты ұсына алады. Егер күрделі ақау анықталса, жағдай тым ушығып кетпес үшін дилер сізге автокөлікті пайдаланбай тұра тұруға ұсыныс білдіруі мүмкін.

Егжей-тегжейін нақтылау үшін жөндеу жүргізілетін дилерге хабарласыңыз.

Бос тұрып қалу кезінде батареяның ресурс жоғалтуы автомобильдің қазіргі жағдайына және сақтау шарттарына байланысты болады. Егер ұзақ уақыт бойы қозғалыссыз тұрғызып қоймақ болсаңыз, онда ара-тұра қозғалтқышты іске қосып отыруды ұсынамыз. Гибрид автомобильдер үшін айына кемінде бір рет іске қосу батырмасын басу және оны 1 сағат ішінде дайындық режимінде ұстау ұсынылады. Бензин және дизель қозғалтқыштары бар автомобильдер үшін қозғалтқышты айына 1-2 рет 20-30 минутқа қосу ұсынылады. Оңтайлы нәтижеге жету үшін, радио және кондиционер сияқты электр энергиясының барлық қосалқы тұтынушылары осы уақытта ажыратылғанына көз жеткізіңіз.

Назар аударыңыз: гибрид жүйе немесе қозғалтқыш жұмыс істеп тұрғанда пайдаланылған газ жұтылуын болдырмау үшін автомобиль ашық алаңда болуы тиіс. Сондай-ақ, көп нәрсе автомобильде орнатылған күзет жүйесіне байланысты болатынын ескерткіміз келеді. Мұндай жүйелер нарықта көп, оларды орнатудың әртүрлі әдістері қолданылады және әртүрлі жеке параметрлер жасалады, сондықтан біз сізге әмбебап кеңес бере алмаймыз.

Автомобильдегі аккумуляторлық батареяның қызмет ету мерзімі бірнеше факторларға, соның ішінде қаншалықты қолданыста болғанына, температураға және табиғи тозуына да байланысты екенін ескеріңіз. Бұл нұсқаулықтар барлық жағдайды болжай алмайды.

Қосалқы бөлшектерді жеткізуге тапсырыс / шарт жасалған дилерге хабарласыңыз. Ел ішінде жүк көлігінің қозғалысын уақытша шектеуге байланысты қосалқы бөлшектерді жеткізу мерзімі ұлғайтылуы мүмкін екенін назарға алуды сұраймыз

Бірінші кезекте, қалаңыздағы дилердің жұмыс кестесін нақтылап алуыңыз керек. Егер дилер ашық болса, онда сервиске жазыла аласыз. Егер жабық болса, онда карантин бойынша шаралар алынып, дилерлік орталық ашылған соң сервис ала аласыз. Толық ақпарат алу үшін қалаңыздағы дилерге хабарласыңыз немесе біздің сайтта онлайн өтінім қалдырыңыз.

Егер мұндай жағдай туындаса жақын жердегі дилерге барып, болған жағдай туралы хабарлауға кеңес береміз. Бұл ретте аты-жөніңізді, автокөлік моделіңізді, автомобильдің мемлекеттік тіркеу нөмірін, жүру көрсеткішін (км) хабарлау қажет. Дилер сізге автокөлікті пайдалануды шектей тұруды ұсынуы мүмкін. Егер дилерлік орталық ашық болса, дилер қолда бар қажетті қосалқы бөлшектермен барлық қажетті қызметтер мен жұмыстарды ұсына алады. Егер дилер орталығы ТЖ байланысты жабық болса, қызметті орталық ашылған кезде алуға болады. Толық ақпарат алу үшін қалаңыздағы дилерге хабарласыңыз.

Осы сұрақпен дилерге қайта хабарласуды ұсынамыз. Қалаңыздағы ТЖ режиміне және дилердің жұмыс кестесіне сәйкес кеңес / қызмет ала аласыз. Сондай-ақ онлайн өтінімді біздің сайтта қалдыра аласыз.

ДДҰ (Дүниежүзілік денсаулық сақтау ұйымы) хабарлағандай: соңғы талдауларға сәйкес, COVID-19 жаңа типті короновирус ағзадан тыс ұзақ өмір сүрмейді, сондықтан заттардың өздері, қосалқы бөлшектер немесе автокөліктердің жұқтыру қаупі жоқ. Автомобильдің жолда болуының орташа мерзімі 2 айды құрайды, сонымен қатар автомобиль алған кезде, сондай-ақ берер алдында шанақ пен салонды толық жуу жүргізіледі. Алайда, егер сіз уәкілетті мемлекеттік органдар ТЖ ерекше режимін енгізген аймақта тұрсаңыз, дилерге баруды кейінге қалдыруды және басқа адамдармен әлеуметтік байланыстарды шектеуді ұсынамыз.

TOYOTA ФИНАНС НЕСИЕЛЕРІ БОЙЫНША МЕРЗІМІН ҰЗАРТУ ТУРАЛЫ АҚПАРАТ

Құрметті Клиенттер,

ҚР Қаржы нарығын реттеу мен дамыту агенттігінің 2020 жылғы 22 наурыздағы № 17 қаулысына сәйкес Toyota Финанс келесі қолдау шараларын қабылдады:

1. Микронесие бойынша төлемдердің мерзімін өткізіп алу үшін айыппұлдарды есептеу ТЖ әрекет ету кезеңіне уақытша тоқтатылды. Сізге бұл сұрақ бойынша өтініш қалдырудың қажеті жоқ. Айыппұлдар бойынша есептеулерді тоқтатуды Toyota Финанс өз бетімен өткізетін болады.

2. ТЖ әрекет ету кезінде қаржылық жағдайы нашарлаған қарыз алушыларға несие төлемдерді шегіндіруге рұқсат беріледі.

1. Өтінімді қалай беруге болады?
• Toyota Финанс мобильді қосымшасы арқылы
• қоңырау шалып: +7 727 244 45 45, +7 701 052 43 46, +7 701 081 32 99. Жұмыс уақыты 09.00-18.00 Дс-Жм
• хабарламаны электрондық мекенжайға жіберіп: care@kz.toyota-fs.com. қарыз алушының ЖСН, шарт нөмірі және байланыс үшін ұялы телефон нөмірін міндетті түрде көрсету қажет
• SMS жіберу арқылы: +7 701 052 43 46. Қарыз алушының ЖСН мен шарттың нөмірін міндетті түрде көрсету қажет.

2. Кім өтінім бере алады?
1. Қарыз алушылар- жеке тұлғалар, егер қаржылық жағдайы мынадай себептер бойынша нашарласа:
• карантин енгізілуіне байланысты уақытша еңбекке жарамсыздық
• ақы төленбейтін еңбек демалысында болу
• жұмыстан босату, еңбек шартын бұзу және өзге де еңбек қатынастарын тоқтату
• жалақыны немесе өзге де кірістерді төлеуді төмендету немесе тоқтата тұру
• қызметкер аумағында төтенше жағдай және (немесе) карантин қолданылатын жерге кіру (шығу) шектеулеріне байланысты жұмыс орнында бола алмайтын жағдайда
• қаржылық жағдайдың нашарлауын куәландыратын өзге де себептер

2. Қарыз алушылар-шағын және орта бизнес субъектілері:
• егер де келесі салаларда қызмет көрсетсе:
- Сауда секторы, сонымен қоса СОО жалға алушылар, ТНП дүкендері, тауарларды жеткізу тізбегі, азық-түлік дүкендерін, дәріханаларды және олармен байланысты жеткізілімдерді қоспағанда,
- Спорт, туризм және қонақ үй бизнесі, сонымен қоса туроператорлар мен турагенттер.
- Жолаушылар және жүк тасымалдау секторы, азық-түлік пен дәрі-дәрмектерді тасымалдауды қоспағанда.
- Қоғамдық тамақтандыру секторы, сонымен қоса мейрамханалар мен дәмханалар.
- Тұрмыстық қызмет көрсету секторы, демалыс пен бос уақытты өткізу мекемелері, сонымен қоса театрлар, кинотеатрлар, фото және бейнетүсірілімдер, көрмелер мен конференциялар, салтанаттарды ұйымдастыру мекемелері, сұлулық салондары және фитнес орталықтары.
• • Сатылған тауарлар және (немесе) көрсетілетін қызметтер көлемінің төмендегені, кідіртілгені, сатып алушылардан ақы төлеу мерзімдерін ауыстыру (тоқтата тұру), қызметкерлердің штат санының қысқарғаны немесе ТЖ режимінің қолданылу кезеңінде басқа да объективті себептер бойынша қаржылық жағдайы нашарлағаны расталған кезде
Өтініштер қаржылық жай-күйінің нашарлауын растайтын құжаттар негізінде жеке тәртіппен қаралады.

3. Қандай несиелер қатысады?
2020 жылғы 16 наурызға дейін берілген барлық несиелер қатысады. Қарыз алушыда бір өтінім берген кезде шарттарға сәйкес келетін бірнеше несиесі болған кезде, қарастыру барлық осындай несиелер бойынша жүзеге асырылатын болады.

4. Өтінім беру кезеңі: кез келген сәтте 2020 жылдың 16 наурызынан 15 маусымына дейін

5. Төлемдерді тоқтата тұру кезеңі: 3 ай (2020 жылғы 16 наурыздан 15 маусымға дейін)

6. Өтінім беру үшін құжаттар:
• жеке тұлғалар үшін құжаттардың қажеті жоқ
• ШОБ және ЖК субъектілері үшін қаржылық жағдайдың нашарлауын растайтын құжаттар талап етіледі.

7. Өтінімді қарау мерзімі: берілген күннен бастап 10 (он) жұмыс күні ішінде. Қабылданған өтінімді өңдегеннен кейін Toyota Финанс қарыз алушыны өтінімде көрсетілген ұялы телефон нөміріне SMS-хабарлама жіберу арқылы хабардар етеді.

8. Өтінімді қарау үшін комиссиялар және өзге де төлемдер: жоқ

9. Айыппұлдар мен өсімпұлдар: ТЖ кезеңінде есептелмейді

10. Несие тарихы: нашарламайды. Ай сайынғы төлемдерді төлеуді тоқтата тұрғаннан кейін мерзімі өткен күндердің саны мерзімі өтіп кеткен жағдайда тоқтатыла тұрады

Қосымша ақпарат:
"Халықтың әлеуметтік осал топтары" санатына жатқызылған қарыз алушы-жеке тұлғалар бойынша өтінім беру талап етілмейді. Toyota Финанс барлық 2020 жылдың 16 наурызға дейін берілген несиелер бойынша 2020 жылдың 16 наурызынан 15 маусымына дейінгі мерзімінің ішінде ай сайынғы төлемдерді шегіндіру рәсімі туралы клиенттерге SMS хабарлама жіберу арқылы қосымша хабарлайды.

Маған керек

Драйв сынағына жазылу Дилер табу Дилерге хабарласыңыз