Компания «клиент бірінші орында» ұстанымына сүйене отырып, Ақсай қаласында өкілдіктің жаңа форматын ашты. Міндеті — Toyota халықаралық стандарттарына сай қызмет көрсету және Қазақстанның шағын қалалары тұрғындарына сатып алуды қолжетімді ету.
Ақсай Тойота Сервисі алғашқы автономдық сервис орталығы әрі көршілес Оралда (Орал Тойота Орталығы) орналасқан дилер орталығының сату бөлімі болды.
Қашық өңірлердегі ең жоғары деңгейлі сервис
Енді Ақсайдың автосүйерлері жүздеген шақырымды еңсеріп, көрші қалаға бармайды — олар өз туған қаласында ресми қызмет алып, орталық мамандарының кәсібилігі мен үздік баға / сапа үйлесімін бағалай алады. Білікті шеберлер Toyota талаптарына сай стандартталған жабдықтарды қолдана отырып, барлық жұмысты орындайды.
Ақсай Тойота Сервисі 2S (Service және Spare Parts) концепті базасында жұмыс істейді. Бұл кешенді қызмет көрсету мен өндірушінің ресми кепілдігімен Toyota автокөліктеріне арналған түпнұсқа қосалқы бөлшектерді сатуды білдіреді. Алайда компания клиенттердің сұранысын есепке ала отырып, шағын шоурумда жаңа өнімдерді паш ету мүмкіндігін жасады. Сервис орталығында ұнатқан автокөлігіңізге тапсырыс беріп, сол орында алуға болады.
Оның тәртібіне тоқталайық — клиент Ақсай БС-да тапсырыс береді, орталық қызметкерлері таңдалған модельді Оралдағы дилерге тапсырыс беріп, Ақсайға алдыртады. Еуропа елдерінде мұндай формат қарастырылмағанын да айта кетейік — сондықтан мұндай жағдай Қазақстанда ғана іске асырылып отыр. Оның арқасында клиенттер жаңа автокөліктерді кеңейтілген функционалы бар ірі дилер орталықтарында ғана емес, жергілікті ресми Toyota СО-дан да ала алады.
Toyota Kazakhstan сервистік географиясының кеңеюі
«Тойота Мотор Қазақстан» өкілдері мұндай бастама клиентерге жақын болуға деген ұмтылыстан туғанын айтады. Шағын елді мекендерде тұратын автокөлік иелері басқа қалаға баруға мәжбүр — олар Toyota жоғары деңгейлі сервисі мен кепілдігін алуда шектеліп отыр. Компания бұл жағдайды жүйелі түрде өзгертіп жатыр. Сервис орталықтары Қызылордада, Теңізде, Ақсайда ашылды. Алдағы уақытта жаңа орталық Жаңаөзенде де ашылады.
