2011 жылдың маусым айында "Тойота Мотор Қазақстан" ЖШС-і алғаш рет "Жасыл ай" деп аталатын науқан өткізді. Оның мақсаты Тойота қызметкерлерінің қоршаған ортаның мәселелері жөнінде хабардар болуы мен жауапкершілікке ие болу деңгейін арттыру болды. .. Науқан 1972 жылы БҰҰ жариялаған 5 маусым – Дүниежүзілік қоршаған орта күні мен 8 маусым – Дүниежүзілік мұхит күні және 17 маусым – Шөлейттену мен құрғақшылыққа қарсы күндерге орайластырып өткізілген болатын. Маусым айы Жасыл ай ретінде алғаш рет Toyota және Lexus автокөліктерінің өндірушісі Тойота Мотор Корпорэйшн корпорациясымен 1973 жылы жарияланды.
Содан бері жыл сайын Тойота Мотор Корпорэйшн әлем бойынша Тойота компаниясының тобына кіретін басқа компаниялармен бірге Жасыл ай аясында экологияға бағытталған түрлі шаралар өткізіп тұрады. Осы жылдың наурызында Жапонияның шығысында болған күшті жер сілкінісі мен одан кейінгі цунамидің салдарына қарамастан, Тойота Мотор Корпорэйшн Жасыл Ай шарасын өткізу дәстүрін жалғастырып, бүкіл әлемге өзінің қоршаған ортаны қорғау ісіне деген адалдығын көрсетті.
Жасыл ай аясында "Тойота Мотор Қазақстан" ЖШС-інің кеңселеріне компанияның қызметкерлері үшін экологиялық таза атмосфера орнатып, тірі табиғаттың нәзік әлемін көрсету мақсатында жасыл өсімдіктер қойылды. Сонымен қатар қағаз бен электр энергиясын пайдалану туралы ақпарат берілді. 16 маусымда "Тойота Мотор Қазақстан" ЖШС-інің қызметкерлері үшін экологиялық жүргізу ережелері туралы тренинг өткізілді. Тренингтің мақсаты – күн сайын қарапайым жүргізу амалдарын қолданып, автокөлікке "эко" стилінде күтім жасау арқылы отын мен СО2-нің атмосфераға таралуын расымен де азайтуға болатынын көрсету.
Тренинг жадынамалар таратып, компания сайтында берілген экологиялық жүргізу бойынша кеңестер берумен аяқталды. Toyota өнімдерін тұтынушыларды оның қоршаған ортаға әсерін азайту мақсатында экологиялық стильде жүргізу туралы ақпараттандыру бойынша кампания өткізуді бастау туралы шешім қабылданды.